நஷ்ட ஈடாக ரூ.10 கோடி கொடுக்கணும்: ரவி மோகன் தரப்பு ஐகோர்ட்டில் வாதம்

நஷ்ட ஈடாக ரூ.10 கோடி கொடுக்கணும்: ரவி மோகன் தரப்பு ஐகோர்ட்டில் வாதம்

படத்தில் நடிக்க ரூ6 கோடி முன்பணம் பெற்றுக்கொண்ட நடிகர் ரவி மோகன் அந்த பணத்தை திருப்பி தர வேண்டும் என்று கூறி, பாபி டச் கோல்டு யுனிவர்சல் நிறுவனம் சென்னை உயர்நீதிமன்றத்தில் மனு தாக்கல் செய்திருந்த இலையில், இந்த மனுவுக்கு பதில் அளித்த நடிகர் ரவி மோகன் தரப்பு ரூ10 கோடி நஷ்டஈடு வேண்டும் என்று வாதம் செய்துள்ளனர்.தமிழ் சினிமாவில் முன்னணி இளம் நடிகராக வலம் வந்த ஜெயம்ரவி, தனது மனைவி ஆர்த்தியை பிரிந்தவுடன், தனது பெயரை ரவி மோகன் என்று மாற்றிக்கொண்டு அடுத்தடுத்து படங்களில் நடித்து வருகிறார். மேலும் ரவி மோகன் ஸ்டூடியோஸ் என்ற தயாரிப்பு நிறுவனத்தை தொடங்கிய அவர், ‘ப்ரோ கோட்’ என்ற படத்தை தயாரித்து நடிக்க உள்ளார். எஸ்.ஜே.சூர்யா வில்லனாக நடிக்கும் இந்த படத்தை வடக்குப்பட்டி ராமசாமி மற்றும் டிக்கிலோனா போன்ற படங்களை இயக்கிய கார்த்திக் யோகி இயக்குகிறார்.இதனிடையே, பாபி டச் கோல்டு யுனிவர்சல் நிறுவனம் ரவி மோகனுக்கு எதிராக நீதிமன்றத்தில் தாக்கல் செய்துள்ள மனுவில், எங்கள் நிறுவனத்தில் 2 படங்கள் நடிக்க ரூ15 கோடி சம்பளம் பேசப்பட்டு ரூ6 கோடி முன்பணமாக பெற்றுக்கொண்ட நடிகர் ரவி மோகன், அந்த பணத்தை தனது சொந்த தயாரிப்பு நிறுவனத்திற்கு பயன்படுத்தியுள்ளார். எங்கள் நிறுவனத்திற்கு படமும் நடித்து கொடுக்கவில்லை. எனவே அவர் தயாரிக்கும் ‘ப்ரோ கோட்’ படத்திற்கு, ரவி மோகன் வேறு எந்த தயாரிப்பு நிறுவனத்திலும் நடிக்க தடை விதிக்க வேண்டும் என்று கூறப்பட்டுள்ளது,இந்த வழக்கு விசாரணைககு வந்தபோது, ரவி மோகன் தரப்பில் ஆஜரான வழக்கறிஞர், கால்ஷீட் கொடுத்தும் அந்நிறுவனம் படப்பிடிப்பை தொடங்கவில்லை. எனவே இதற்கு நஷ்டஈடாக ரூ10 கோடி தர வேண்டும் என்று கூறியுள்ளார். இரு தரப்பு வாதத்தையும் கேட்டறிந்த வழக்கறிஞர் வழக்கை வரும் ஜூலை 23-ந் தேதிக்கு ஒத்திவைத்தார். மேலும் இந்த வழக்கில் நடிகர் ரவி மோகன் பதில் அளிக்க வேண்டும் என்றும் உத்தரவிட்டுள்ளார்.ரவி மோகன் – ஆர்த்தி இடையே விவாகரத்து வழக்கு போய்க்கொண்டிருக்கும் நிலையில், ஆர்த்தி தனக்கு மாதம் 40 லட்சம் ஜீவனாம்சமாக வேண்டும் என்று கோரிக்கை வைத்துள்ளார். இதனிடையே தற்போது இந்த வழக்கு தொடர்பான விசாரணை சினிமா வட்டாரத்தில் பரபரப்பை ஏற்படுத்தியுள்ளது,