இலங்கை
உலகளாவிய விருது பெற்ற இலங்கை கண்டுபிடிப்பாளர்: பிரதமர் ஹரிணியை சந்திப்பு!
உலகளாவிய விருது பெற்ற இலங்கை கண்டுபிடிப்பாளர்: பிரதமர் ஹரிணியை சந்திப்பு!
அறிவுசார் சொத்துரிமைக்கான உலகளாவிய விருதைப் பெற்ற டாக்டர் நதிஷா சந்திரசேன, கொழும்பில் பிரதமர் ஹரிணி அமரசூரியவை இன்று (21) சந்தித்தார்.
அறிவுசார் சொத்துரிமை, புதுமை மற்றும் படைப்பாற்றலுக்காக அர்ப்பணிக்கப்பட்ட ஐக்கிய நாடுகள் சபையின் நிறுவனமான உலக அறிவுசார் சொத்துரிமை அமைப்பு (WIPO) வழங்கிய 2025 WIPO “அறிவுசார் சொத்துரிமைக்கான உலகளாவிய விருதை” டாக்டர் சந்திரசேன பெற்றார்.
பிளாஸ்டிக் மற்றும் பாலிதீன் கழிவுகளால் அடைக்கப்பட்ட திறந்த வடிகால் அமைப்புகளுக்கான தீர்வாக உருவாக்கப்பட்ட டாக்டர் சந்திரசேனவின் “ஸ்மார்ட் வடிகால் அமைப்பு” கருத்து, சுவிட்சர்லாந்தின் ஜெனீவாவில் நடைபெற்ற WIPO விருது வழங்கும் விழாவில் வெற்றியாளராகத் தேர்ந்தெடுக்கப்பட்டது.
95 நாடுகளைச் சேர்ந்த 780 அமைப்புகளில் அவரது கண்டுபிடிப்பு தனித்து நின்றது. இன்றைய சந்திப்பின் போது, பிரதமர் ஹரிணி அமரசூரியா டாக்டர் சந்திரசேனவுக்கு தனது வாழ்த்துக்களைத் தெரிவித்தார்.
லங்கா4 (Lanka4)
அனுசரணை
