போதைப்பொருள் கடத்தலில் கைதான நபரின் தொலைபேசியால் சிக்கிய பொலிஸ் அதிகாரிகள்

போதைப்பொருள் கடத்தலில் கைதான நபரின் தொலைபேசியால் சிக்கிய பொலிஸ் அதிகாரிகள்

மருதானை பகுதியில் போதைப்பொருள் கடத்தல்காரருக்கு உதவியதாக மருதானை பொலிஸில் பணியாற்றும் மூன்று பொலிஸ் கான்ஸ்டபிள்கள் கைது செய்யப்பட்டுள்ளனர்.

சந்தேகத்திற்குரிய மூன்று பொலிஸ் கான்ஸ்டபிள்கள்  மாளிகாகந்த நீதவான் நீதிமன்றத்தில் ஆஜர்படுத்தப்பட்ட பின்னர், இந்த மாதம் 31 ஆம் தேதி வரை  விசாரணைக்காக காவலில் வைக்கப்பட்டுள்ளதாக பொலிஸார் தெரிவித்துள்ளனர்.

கொழும்பு மத்திய பிரிவு குற்றப் புலனாய்வுப் பிரிவு சமீபத்தில் மருதானை, பஞ்சிகாவத்தை வீதியில் சோதனை நடத்தி, கிட்டத்தட்ட 12 கிராம் ஹெராயினுடன் ஒரு சந்தேக நபரைக் கைது செய்தனர்.

கைது செய்யப்பட்ட சந்தேக நபரின்  தொலைபேசியை ஆய்வு செய்தபோது, சந்தேகத்திற்குரிய மூன்று பொலிஸ் அதிகாரிகளின் இலக்கங்கள் மற்றும் குரல் பதிவு தரவுகள் கண்டுபிடிக்கப்பட்டன.

மேலும் விசாரணைகளுக்குப் பிறகு, மூன்று பொலிஸ் கான்ஸ்டபிள்களும் கைது செய்யப்பட்டனர், மேலும் மூவரில் ஒருவர் போதைப் பழக்கத்திற்கு அடிமையானவர் என்பதையும் பொலிஸார் உறுதிப்படுத்தியுள்ளனர்.

கைது செய்யப்பட்ட மூன்று சந்தேகத்திற்குரிய பொலிஸ் கான்ஸ்டபிள்களின் சேவைகள் இடைநீக்கம் செய்யப்பட்டுள்ளதாக பொலிஸார் தெரிவித்தனர்.