காதல் தோல்வி, கணவரின் துரோகம்; சொத்துக்களை இழந்த ஸ்ரீவித்யா தனிமையில் இறந்த சோகம்!

காதல் தோல்வி, கணவரின் துரோகம்; சொத்துக்களை இழந்த ஸ்ரீவித்யா தனிமையில் இறந்த சோகம்!

இந்திய சினிமாவின் பழம்பெரும் நடிகைகளில் முக்கியமானவர் ஸ்ரீவித்யா. அவரது வாழ்க்கையை, “அநியாயம்” என்ற ஒற்றை வார்த்தையே வைத்த விவரிக்கலாம். திரைப்படங்களில் சிறப்பான கேரக்டர்களில் நடித்து புகழ்பெற்ற நடிகை ஸ்ரீவித்யாவின் ஒரே உண்மையான தேடல் அன்புதான். ஆழமான அதே சமயம் நேர்மையான அன்பை விரும்பினார். ஆனால், துரதிர்ஷ்டவசமாக அவரது அன்பைப் பெற்றவர்கள் நேர்மையாக இல்லை. அவர் தன் இதயத்தில் இருந்த அத்தனை அன்பையும் பொழிந்த அதே நபர்கள் தான் அவருக்கு மிகுந்த வேதனையை கொடுத்துள்ளார்.இந்த செய்தியை ஆங்கிலத்தில் படிக்க இங்கே க்ளிக் செய்யவும்ஸ்ரீவித்யாவின் அன்பை பெற்ற பலரும் நேர்மை தவறியதால், இந்த சோகம் அவரது வாழ்வின் கடைசிநாள் வரை பிரதிபலித்த்து. இருப்பினும், மலையாள சினிமா ரசிகர் ஒருவர் ஸ்ரீவித்யாவைப் பற்றி நினைக்கும் போதெல்லாம், அவரது புன்னகை முகத்தை நினைத்துப் பார்க்காமல் இருக்கவே முடியாது என்று கூறியள்ளார். அவர் எவ்வளவு அழகாகவும், கண்ணியமாகவும், உண்மையானவராகவும் இருந்தாரோ, அதே அளவுக்கு அவரது வாழ்க்கை துரதிர்ஷ்டங்களால் நிறைந்திருந்தது. தனது வாழ்நாளில், 53 வயதில் புற்றுநோயால் மரணமடையும்வரை, அவர் பல்வேறு போராட்டங்களை எதிர்த்துப் போராடினார்.1953 ஆம் ஆண்டு ஜூலை 24 ஆம் தேதி புகழ்பெற்ற கர்நாடக இசைப் பாடகி எம்.எல். வசந்தகுமாரி மற்றும் தமிழ் நடிகர் “விகடம்” கிருஷ்ணமூர்த்தி ஆகியோரின் மகளாகப் பிறந்த ஸ்ரீவித்யா, 13 வயதில் சிவாஜி கணேசன், சாவித்திரி மற்றும் ஜெமினி கணேசன் நடித்த தமிழ்த் திரைப்படமான திருவருட்செல்வர் (1967) என்ற படத்தில் ஒரு சிறிய கேரக்டரில் நடித்துத் திரைத்துறையில் அறிமுகமானார். நடனத்தில் ஆர்வமாக இருந்த ஸ்ரீவித்யா சிறு வயதிலிருந்தே பயிற்சி பெற்று தன்னை நிலைநிறுத்திக்கொண்டார்.1969 ஆம் ஆண்டில், அவர் மலையாளத் திரைப்பட உலகில் அறிமுகமான ஸ்ரீவித்யா,  16 வயதில், அவர் 57 வயதான பழம்பெரும் நடிகர் சத்யனுடன் சட்டம்பிக்காவலா திரைப்படத்தில் நடித்தார். அடுத்த ஆண்டு, அவர் புராணத் திரைப்படமான குமார சம்பவத்தில் அப்சரா மேனகாவாகத் நடித்திருந்தார், இந்த படத்தில்,”மாய நாடன விகாரிணி” என்ற பாடலில் அவரது நடன நிகழ்ச்சி பரவலாகப் பாராட்டப்பட்டது. இதன் மூலம் சினிமாதுறையில் நம்பிக்கை நட்சத்திரமாக மாறிய ஸ்ரீவித்யா, மலையாளம், தமிழ் மற்றும் தெலுங்குத் திரையுலகிலிருந்து வாய்ப்புகளை பெற்று நடிப்பில் அசத்தினார்.பல மலையாள படங்களில் நடித்து அசத்திய ஸ்ரீவித்யா, தமிழில், நூற்றுக்கு நூறு, வெள்ளி விழா, காரைக்கால் அம்மையார், சொல்லத்தான் நினைக்கிறேன், திருமலை தெய்வம் மற்றும் அபூர்வ ராகங்கள் போன்ற படங்களில் தனது முத்திரையைப் பதித்தார். 35 ஆண்டுகளுக்கும் மேலான தனது வாழ்க்கையில், ஸ்ரீவித்யா 4 முக்கிய தென்னிந்தியத் திரைத்துறை, மற்றும் பாலிவுட் என மொத்தம் 800 க்கும் மேற்பட்ட படங்களில் நடித்துள்ளார்.ஸ்ரீவித்யா திரை வாழ்க்கையின் உச்சத்தில் இருந்தபோதிலும், அவரது தனிப்பட்ட வாழ்க்கை துயரங்களால் சூழப்பட்டிருந்தது. தனது 20 களின் முற்பகுதியில், தென்னிந்திய சினிமாவின் முன்னிண நடிகைகளில் ஒருவராக வளாந்த இவர், கமலுடன் காதலில் விழுந்தார். இதுவே அவர்களின் வாழ்க்கையில் முதல் தீவிரமான உறவாக இருக்கும் என்று சொல்லலாம். ஸ்ரீவித்யாவும் கமலும் ஒருவரையொருவர் ஆழமாக நேசித்தனர், திருமணம் செய்து கொள்ளவும் முடிவு செய்தனர். கமல் ஒரு நட்சத்திரமாக வளர்ந்து பல வாய்ப்புகளைப் பெறத் தொடங்கியதால், அவரைத் தனக்காகக் காத்திருக்குமாறு வற்புறுத்தினார்.அதே சமயம், ஸ்ரீவித்யா திருமணத்தை மேலும் தாமதப்படுத்த விரும்பாததால் இது தொடர்பாக அவர்களுக்கு இடையே ஒரு பிளவை ஏற்படுத்தியது, கமல் சில காலம் ஸ்ரீவித்யாவை தொடர்பு கொள்ளக்கூட இல்லை. ஒரு நாள், அவர் ஸ்ரீவித்யாவின் வீட்டிற்கு வந்தார், அதைக் கண்ட ஸ்ரீவித்யாவின் தாயார், பெரிய முடிவுகளை எடுப்பதற்கு முன் சில ஆண்டுகள் காத்திருக்குமாறு அவர்களுக்குப் பரிந்துரைத்தார். அவர்கள் இருவருக்கும் நீண்ட மற்றும் வெற்றிகரமான சினிமா எதிர்காலம் உள்ளது அவசரப்பட்டு திருமணம் செய்து கொண்டு பின்னர் வருத்தப்பட வேண்டாம் என்று எச்சரித்தார்.இதைக் கேட்டதும் கமல் கோபமடைந்து உடனடியாகக் கிளம்பிவிட்டார், இதனால் உறவு நிரந்தரமாக முடிவுக்கு வந்தது. விரைவில், அவர் நடனக் கலைஞர் வாணி கணபதியுடன் திருமணம் செய்து கொண்டார். இது குறித்து ஸ்ரீவித்யா, “நான் மிகவும் காயப்பட்டேன். ஒரு பெண்ணாக நான் தோல்வியுற்றதாக உணர்ந்தேன். ‘அவளுக்கு என்ன இருக்கிறது, எனக்கு என்ன இல்லை?’ என்று நான் சிந்தித்துக் கொண்டே இருந்தேன். அதன் பிறகு நாங்கள் நெருங்கிய நண்பர்களாக மாறவில்லை என்றாலும், எப்போதும் ஒரு இணக்கமான உறவைப் பேணி வந்தோம்,” என்று ஒரு நேர்காணலில் கூறினார்.அதன் பிறகு, அவர் பிரபல திரைப்பட இயக்குநர் பரதனுடன் உறவில் இருந்த ஸ்ரீவித்யா, சஃபாரி டிவியின் சரித்திரம் என்னிலோடே நிகழ்ச்சியின் ஒரு அத்தியாயத்தில், மூத்த திரைக்கதை எழுத்தாளரும் பரதனின் நெருங்கிய நண்பருமான ஜான் பால், பரதனுக்கும் ஸ்ரீவித்யாவிற்கும் இடையிலான உறவு காதல் என்று வெளிப்படுத்தினார். அவர்கள் இருவரும் தங்கள் உறவை திருமணத்தின் நான்கு சுவர்களுக்குள் சுருக்க ஆர்வமாக இல்லை என்றும் அவர் பகிர்ந்து கொண்டார். கைராளி டிவியில் ஒரு நேர்காணலில், பரதனின் மனைவியான பழம்பெரும் நடிகை கே.பி.ஏ.சி. லலிதா, ஸ்ரீவித்யாவுடனான அவரது உறவில் தான் ஒரு முக்கிய பங்கு வகித்ததாக வெளிப்படுத்தினார்.அவரைத் தொலைபேசியில் அழைக்க மட்டுமே பரதன் என் வீட்டிற்கு வருவார். அந்த நேரத்தில், அவரது குடும்பத்தினர் ஸ்ரீவித்யாவுக்கு ஆண்களிடமிருந்து வரும் அழைப்புகளை ஏற்கவில்லை, ஏனெனில் அது பரதனின் அழைப்பு என்று அவர்களுக்குத் தெரியும். எனவே, அவர் என்னை அழைக்கச் சொல்வார், ஸ்ரீவித்யா மறுமுனையில் வந்ததும், அவர் அவளுடன் பேசுவார். அவர்கள் பிரிந்து செல்ல முடிவு செய்த தருணத்திலும் நான் அங்கு இருந்தேன். ஸ்ரீவித்யாவும் நானும் ஒரு திரைப்படத்தில் நடித்தபோது நடந்த சம்பவம் இது. சம்பவத்திற்கு சற்று முன், அவர் பரதனுக்கு நம்பிக்கைப் பிரச்சினைகள் இருப்பதாகக் குறிப்பிட்டார்,” என்று அவர் பகிர்ந்து கொண்டார்.இருப்பினும், திருமணத்திற்குப் பிறகும், பரதன் ஸ்ரீவித்யாவைத் தொடர்ந்தார், ஆனால் அவர் ஒருபோதும் சம்மதிக்கவில்லை என்று லலிதா உறுதிப்படுத்தினார். “என் இதயத்தில் இருந்த காயங்கள் குணமாக நீண்ட காலம் ஆனது. “அந்த நேரத்தில், யாராவது எனக்கு ஆறுதல் தந்தால் நன்றாக இருக்கும் என்று நான் விரும்பினேன். ஒரே மகளாக இருந்ததால், என் துயரங்களைப் பகிர்ந்து கொள்ள எனக்குச் சகோதரர்கள் கூட இல்லை.” அப்போதுதான் தீக்கணல் திரைப்படத்தைத் தயாரித்த ஜார்ஜ் தாமஸ் என்ற இளைஞரை அவர் சந்தித்தார். அவர் விரைவாக அவரது விருப்பங்களையும் வெறுப்புகளையும் புரிந்துகொண்டு அதற்கேற்ப செயல்படத் தொடங்கினார்.தன்னலமற்ற அன்பை விரும்பிய ஒரு நபருக்கு, ஜார்ஜின் மீதான அவரது ஆர்வம் மற்றும் அவரது செயல்கள் அவரை முழுமையாக குறுடாக்கியதால், அவரை மணக்க முடிவு செய்தார். “என்னைக் காட்டிக் கொடுத்தவர்களுக்கு நான் நன்றாக வாழ்கிறேன் என்று காட்டும் ஒரு துணிச்சலான தேவை காரணமாக நான் அவருடன் நெருக்கமாக ஆனேன். உண்மையில், நான் அவரை காதலிக்கவில்லை. அது வெறுமனே ஒரு காயப்பட்ட இதயத்திற்கு சில ஆறுதலை அளித்த ஒருவரிடம் ஒருவர் உணரக்கூடிய ஒரு பாசமாகும்.” அவரது தாயார், நடிகர்-இயக்குநர் மது மற்றும் பழம்பெரும் நடிகை மனோரமா உட்பட அவருக்கு நெருக்கமான பலர் இந்த முடிவை பற்றி மீண்டும் யோசிக்குமாறு கூறியுள்ளனர். ஆனாலும்  ஸ்ரீவித்யா ஞானஸ்நானம் பெற்ற பிறகு மும்பையில் ஜார்ஜை மணந்தார்.ஒரு கட்டத்தில் ஸ்ரீவித்யா ஜார்ஜ் தாமஸ் பற்றிய உண்மையை உணர்ந்தபோது, அது மிகவும் தாமதமாகிவிட்டது. அவரது கூற்றுக்களுக்கு மாறாக, அவர் பணக்காரராகவும் இல்லை, அவர் மீது எந்த உண்மையான ஆர்வமும் இல்லை. ஒரு சிட்பண்ட் நிறுவனம் மற்றும் ஹோட்டல் வணிகங்களை வைத்திருந்த “ஸ்டார் ஆஃப் கொச்சின்” என்ற குழு திரைப்படத் தயாரிப்பில் ஈடுபட முடிவு செய்தபோது, அவர்களின் உயர் அதிகாரிகள் ஒரு முன்னணி மனிதனைத் தேடினர். எனவே, அவர்கள் நம்பகமான ஊழியர் ஒருவரின் மகனான ஜார்ஜிடம் அந்த வேலையை ஒப்படைத்தனர். உண்மையில், அவர் ஒரு சம்பள ஊழியர் மட்டுமே.மீண்டும் தான் ஏமாற்றப்பட்டதை உணர்ந்தது அவரை நொறுக்கியது. ஆனால் உயிர்வாழ, அவருக்குப் பணம் தேவைப்பட்டது, ஸ்ரீவித்யா மீண்டும் நடிக்க முடிவு செய்தார். அவரது திறமையும் புகழும் கருதி, அவருக்கு நல்ல வாய்ப்புகளும் போதுமான ஊதியமும் கிடைத்துக் கொண்டிருந்தன. இருப்பினும், இயக்குநர் ஆலப்புழா அஷ்ரப் ஒருமுறை பகிர்ந்து கொண்டபோது, ஜார்ஜ் ஸ்ரீவித்யா சம்பாதித்த பணத்தையெல்லாம் வீணாக்கி வந்தார். அவர் ஸ்ரீவித்யாவின் கையெழுத்தைப் போலியாகப் போட்டு காசோலைகளைப் பயன்படுத்தி அவரது கணக்கிலிருந்து பணத்தை எடுப்பார் என்று கூறப்படுகிறது. அவருக்குத் தன் மீது அன்பு இல்லை, தன்னை ஒரு பணம் சம்பாதிக்கும் இயந்திரமாக மட்டுமே பார்க்கிறார் என்பதை அவர் விரைவில் உணர்ந்தார்.இதற்கிடையில், ஜார்ஜ் மற்ற பெண்களுடன் கள்ள உறவு வைத்திருக்கிறார் என்பதையும் அவர் அறிந்து கொண்டார். அவர்கள் இருவரும் அடிக்கடி இதைப்பற்றி சண்டையிட்டனர், ஜார்ஜ் அவரை உடல் ரீதியாகவும் துன்புறுத்தினார் என்று அஷ்ரப் கூறினார். ஒரு தாய் ஆவதற்கு என் கனவையும் அவர் கருகச் செய்தார். பல முறை கருக்கலைப்பு செய்யும்படி என்னை கட்டாயப்படுத்தினார். ஒரு குழந்தை பிறந்தால் என் சொத்துக்கு இன்னொரு வாரிசு வரக்கூடாது என்று அவர் நினைத்தார் என்பதை நான் உணர்ந்தேன்,” என்று அவர் பகிர்ந்து கொண்டார்.ஐந்து வருடங்கள் அனைத்து வேதனைகளையும் சகித்துக்கொண்ட பிறகு, வேறு வழியில்லாமல், அவர் ஒரு ஆட்டோவில் தன் தாயின் வீட்டிற்குச் சென்றார். அவரது தாயார் அவரை ஆரத்தழுவிக் கொண்டார். தன் தாயின் ஆதரவுடன், ஸ்ரீவித்யா ஜார்ஜுடனான தனது திருமணத்தை முடிவுக்குக் கொண்டுவர முடிவு செய்தார், ஆனால் அவர்கள் கிறிஸ்தவ திருமணச் சட்டத்தின் கீழ் திருமணம் செய்து கொண்டதால் அது எளிதாக இருக்கவில்லை. அதன் பின்னர் ஒரு நீண்ட சட்டப் போராட்டம் நடந்தது. அந்த நேரத்தில், ஜார்ஜ் ஸ்ரீவித்யாவின் சொத்துக்களை வைத்திருந்தார்.இந்த விஷயம் உச்ச நீதிமன்றம் வரையிலும் சென்றது. இறுதியாக, ஸ்ரீவித்யாவுக்குச் சாதகமாகத் தீர்ப்பு வந்தது, ஆனால் அதற்குள் 14 ஆண்டுகள் கடந்துவிட்டன. இதற்கிடையில், அவரது தாயும் காலமானார், ஸ்ரீவித்யா தனியாகிவிட்டார். அவரது உறவினர்கள் கூட அவரைப் புறக்கணித்தனர். நிதி இழப்புகளை விட, உணர்ச்சி ரீதியான பின்னடைவுகளே அவரைச் சிதைத்தன. திருமணம் செய்து கொள்வது, ஒருவரால் முடிவில்லாமல் நேசிக்கப்படுவது, தாய்மை அடைவது மற்றும் ஒரு மகிழ்ச்சியான குடும்பம் (அவரது பெற்றோர் அன்பற்ற திருமணத்தில் இருந்ததால் அவர் ஒருபோதும் அனுபவிக்காதது) – அவரது கனவுகள் அனைத்தும் நிரந்தரமாக நொறுங்கின.அமெரிக்காவில் குடியேறும் கனவை நொறுக்கி, ஸ்ரீவித்யாவுக்குப் புற்றுநோய் இருப்பது கண்டறியப்பட்டது. அவரது இறுதி நாட்கள் மனதைக் கலங்கடித்தன. தாங்க முடியாத வலியைத் தாங்க முடியாமல், அவர் அடிக்கடி மருத்துவர்களை தன்னைக் கொல்லும்படி கெஞ்சியதாகக் கூறப்படுகிறது. அவர் அக்டோபர் 19, 2006 அன்று காலமானார். தான் இறப்பதற்கு முன், கமல்ஹாசனை ஒருமுறை கடைசியாகப் பார்க்க வேண்டும் என்று அவர் தனது கடைசி மூச்சை விடுவதற்கு முன் விரும்பினார் என்று அஷ்ரப் கூறினார். இதையறிந்த கமல் அவரைச் சந்திக்க விரைந்து வந்தார். அந்த நிலையில் அவரைப் பார்த்துக் கமல் மனம் உடைந்தார். அவர்களின் சந்திப்பு தனிப்பட்டதாக இருந்தது, அவர்கள் இருவரும் மட்டுமே இருந்தனர். அந்த நாளில் அவர்கள் என்ன பேசினார்கள் என்பதை அவர்கள் இருவரும் ஒருபோதும் வெளிப்படுத்தவில்லை, ஆனால் அது ஒரு விஷயத்தை அடிக்கோடிட்டுக் காட்டியது: கமல் ஸ்ரீவித்யாவின் வாழ்க்கையின் காதல், ஒருவேளை மறுதலையாகவும் இருக்கலாம். இயக்குநர் ரஞ்சித்தின் காதல் திரைப்படமாக  திறக்காதா (2008) ஸ்ரீவித்யா மற்றும் கமலின் வாழ்க்கையை அடிப்படையாகக் கொண்டது.அவர் இறந்த பின்னரும், அவரது சொத்துக்கள் குறித்து ஒரு சர்ச்சை வெடித்ததால், அவரது பெயர் பெரும்பாலும் செய்திகளில் அடிபட்டது. அவர் தனது சொத்துக்கள் அனைத்தையும் நடிகர்-அரசியல்வாதி கே.பி. கணேஷ் குமாருக்கு ஒப்படைத்து ஒரு உயில் எழுதியிருந்தாலும், அவரது சொத்துக்களை எப்படி, எதற்காகப் பயன்படுத்த வேண்டும் (ஏழை குழந்தைகளுக்கு ஒரு நடனப் பள்ளியை நிறுவுவது உட்பட) என்று குறிப்பிட்டிருந்தாலும், அவரது உறவினர்கள் பின்னர் தங்களுக்கு அதுபற்றி எதுவும் தெரியாது என்று கூச்சல் போட்டனர். இந்த வழக்கு இன்றும் நடந்து கொண்டிருக்கிறது.ஒருவேளை அவர் இந்தச் சூழ்ச்சியான உலகத்திற்கு மிகவும் அப்பாவித்தனமானவராக இருந்திருக்கலாம், அல்லது ஒருவேளை உலகம் அவரை ஒருபோதும் தகுதியுள்ளதாகக் கருதவில்லை. ஸ்ரீவித்யா நம்மை விட்டுப் பிரிந்து 20 ஆண்டுகளுக்கும் மேலாகிவிட்டது, ஆனால் அவரது நினைவுகளும், அவர் வழங்கிய சிறந்த நடிப்புகளும் இன்றும் வாழ்கின்றன.