சிக்கலான வாழ்க்கையின் மறுபக்கங்கள்….!’குற்றம் கடிதல் 2′ டீசரை வெளியிட்ட படக்குழு…!

சிக்கலான வாழ்க்கையின் மறுபக்கங்கள்….!’குற்றம் கடிதல் 2′ டீசரை வெளியிட்ட படக்குழு…!

2015-ல் வெளியாகி வாதபாடுகளை எழுப்பிய ‘குற்றம் கடிதல்’ திரைப்படம், அதன் கதையின் ஆழமும், வாழ்க்கை வேறுபாடுகளைக் கேள்விக்குள்ளாக்கும் வலுவான செய்தியாலும் பாராட்டப்பட்டது. பிரம்மா இயக்கிய அந்தப் படம் தேசிய விருதை வென்று தமிழ் சினிமாவில் முக்கிய இடம் பிடித்தது.இப்போது, அதன் தொடராக ‘குற்றம் கடிதல் 2’ உருவாகியுள்ளது. எஸ்கே ஜீவா இயக்கிய இந்தப் படத்தில், முன்னர் தயாரிப்பாளராக இருந்த ஜே.எஸ்.கே சதீஷ்குமார் இம்முறையில்தான் கதாநாயகனாக நடித்துள்ளார். இவரது தயாரிப்பு நிறுவனம் ஜே.எஸ்.கே பிலிம்ஸ் கார்ப்பரேஷன் மூலம் இப்படம் உருவாகியுள்ளது.படத்தில் ஜே.எஸ்.கே க்கு துணையாக அப்புக்குட்டி, பாலாஜி, சாந்தினி உள்ளிட்ட பலர் முக்கிய கதாபாத்திரங்களில் நடித்துள்ளனர். டிகே இசையமைப்பில் உருவாகியுள்ள இப்படம், வாழ்க்கையின் நுணுக்கங்களை உணர்ச்சிப் பூர்வமாக வெளிப்படுத்தும் வகையில் அமைந்துள்ளது.முன்னதாக ‘புதுமைப்பித்தன்’, ‘லவ்லி’ போன்ற படங்களை இயக்கிய எஸ்.கே ஜீவா, மீண்டும் சினிமா ரசிகர்களுக்கு மனதைக் கவரும் படைப்பு ஒன்றை வழங்க இருக்கிறார். ‘குற்றம் கடிதல் 2’ படத்தின் டீசர் தற்போது வெளியாகியுள்ளது. சமூக வலைத்தளங்களில் இதற்கு நல்ல வரவேற்பு கிடைத்து வருகிறது. இருண்ட உண்மைகளில் ஒளியை தேடும் மனிதர்களின் பயணமாக இந்தப் படம் உருவாகியுள்ளது என்பது டீசர் பார்வையிலேயே தெளிவாகிறது.