அமெரிக்காவில் அரசியல் வன்முறை: டிரம்ப் ஆதரவாளர் சார்லி கிர்க் சுட்டுக் கொலை

அமெரிக்காவில் அரசியல் வன்முறை: டிரம்ப் ஆதரவாளர் சார்லி கிர்க் சுட்டுக் கொலை

அமெரிக்காவில் அரசியல் மோதல்கள் பெருகிவரும் நிலையில், குடியரசுக் கட்சித் தலைவர் டொனால்ட் டிரம்ப்பின் நம்பிக்கைக்குரியவரும், அவரது இளம் ஆதரவாளர்களுக்கு வழிகாட்டியுமான சார்லி கிர்க், யூட்டா பள்ளத்தாக்கு பல்கலைக்கழகத்தில் நடைபெற்ற “அமெரிக்கன் கம் பேக் டூர்” நிகழ்ச்சியில் சுட்டுக்கொல்லப்பட்டார். 31 வயதே ஆன அவரது மரணம், அமெரிக்க அரசியலில் பெரும் அதிர்ச்சியை ஏற்படுத்தியுள்ளது.யார் இந்த சார்லி கிர்க்?2012-இல் டர்னிங் பாயிண்ட் யுஎஸ்ஏ (Turning Point USA) என்ற இளைஞர் அமைப்பைத் தொடங்கியவர் சார்லி கிர்க். இளம் வயதிலேயே அரசியல் ஆர்வம் கொண்டு, குடியரசுக் கட்சியின் கொள்கைகளுக்காகக் குரல் கொடுத்தார். குறிப்பாக, டொனால்ட் டிரம்ப் அதிபராக இருந்தபோது, அவரது கொள்கைகளுக்கு ஆதரவாகவும், இளம் வாக்காளர்களை டிரம்ப் பக்கம் ஈர்க்கும் வகையிலும் பல்வேறு நிகழ்ச்சிகளையும், விவாதங்களையும் நடத்தி வந்தார். கோவிட்-19 பற்றிய தவறான தகவல்களைப் பரப்பியது, காலநிலை மாற்றத்தை மறுத்தது, மற்றும் இனவெறி கொள்கைகளை ஆதரித்தது போன்ற அவரது கருத்துகள் பரவலாக விவாதிக்கப்பட்டன. டிரம்ப் தனது இளைஞர் ஆதரவு தளத்தை வலுப்படுத்த கிர்க்கின் பங்களிப்பு மிக முக்கியமானது என்று பலமுறை குறிப்பிட்டுள்ளார்.செப்டம்பர் 10, 2025 அன்று, யூட்டா பள்ளத்தாக்கு பல்கலைக்கழகத்தில் நடைபெற்ற நிகழ்ச்சியில் சார்லி கிர்க் பேசிக்கொண்டிருந்தபோது இந்தத் தாக்குதல் நிகழ்ந்துள்ளது. சுமார் 200 கெஜம் தொலைவில் உள்ள லூசி சென்டர் கட்டிடத்தின் கூரையிலிருந்து ஒற்றை துப்பாக்கி குண்டு, கிர்க்கின் கழுத்துப் பகுதியில் பாய்ந்தது. உடனடியாக அவர் நிலைதடுமாறி மேசையிலிருந்து கீழே விழுந்ததைக் கண்டதும், கூட்டத்தினர் அதிர்ச்சியடைந்து பதறியடித்துக் கொண்டு சிதறி ஓடினர். பாதுகாப்பு அதிகாரிகள் அவரை உடனடியாக அங்கிருந்து மருத்துவமனைக்கு அழைத்துச் சென்றனர். ஆனால் அவர் சிகிச்சை பலனின்றி உயிரிழந்ததாகத் தகவல்கள் தெரிவிக்கின்றன.Reports that Conservative influencer and personality Charlie Kirk has been shot in the neck during an event with Turning Point USA at Utah Valley University in Orem, Utah. pic.twitter.com/rvNkJjX8Xuடிரம்ப், வான்ஸ், மற்றும் கென்னடியின் இரங்கல்:சார்லி கிர்க்கின் மரணச் செய்தியைக் கேட்டு டொனால்ட் டிரம்ப், தனது சமூக வலைதளப் பக்கமான ட்ரூத் சோஷியல்-இல் “சார்லி கிர்க் சுட்டுக்கொல்லப்பட்டார். அவர் ஒரு சிறந்த மனிதர், தலைசிறந்த நண்பர். எல்லோரும் அவருக்காகப் பிரார்த்தனை செய்வோம்” எனப் பதிவிட்டுள்ளார். மேலும், அமெரிக்கக் கொடிகள் வரும் ஞாயிற்றுக்கிழமை வரை அரைக்கம்பத்தில் பறக்கவிடப்படும் என்றும் அவர் அறிவித்துள்ளார். துணை அதிபர் ஜேடி வான்ஸ் மற்றும் சுகாதாரத்துறைச் செயலாளர் ராபர்ட் எஃப். கென்னடி ஜூனியர் ஆகியோரும் சார்லி கிர்க்கின் மறைவுக்கு இரங்கல் தெரிவித்து, அவரது குடும்பத்திற்கு ஆறுதல் கூறியுள்ளனர்.தாக்குதல் நடத்தியவர் யார்?இந்தத் துயரச் சம்பவம் நடந்த உடனேயே, காவல்துறை விசாரணையைத் தொடங்கி, குற்றவாளி உடனடியாகக் கைது செய்யப்பட்டார். யூட்டா பள்ளத்தாக்கு பல்கலைக்கழக செய்தித் தொடர்பாளர், கைது செய்யப்பட்டவர் மாணவர் இல்லை எனத் தெரிவித்தார். FBI இயக்குநர் காஷ் படேல், இந்தச் சம்பவம் குறித்து விசாரணை மேற்கொள்ளப்பட்டு வருவதாகவும், குற்றவாளி யார் என்பது குறித்த தெளிவான தகவல்கள் இன்னும் வெளியிடப்படவில்லை என்றும் தெரிவித்துள்ளார்.இந்த செய்தியை ஆங்கிலத்தில் வாசிக்க இந்த இணைப்பை கிளிக் செய்யவும்.