மிடில் கிளாஸ் மக்களே! இன்னைக்கு தங்கம் வாங்க போறீங்களா? 2வது நாளாக சவரனுக்கு ரூ.720 குறைவு

மிடில் கிளாஸ் மக்களே! இன்னைக்கு தங்கம் வாங்க போறீங்களா? 2வது நாளாக சவரனுக்கு ரூ.720 குறைவு

சென்னையில் கடந்த சில நாட்களாக தொடர்ந்து உயர்ந்து வந்த தங்கத்தின் விலை இன்று சற்று குறைந்துள்ளது. ஒரு பவுனுக்கு ரூ.720 குறைந்துள்ளதால், நகைப்பிரியர்கள் மகிழ்ச்சி அடைந்துள்ளனர்.முன்னதாக கடந்த செப்டம்பர் 20-ஆம் தேதி, தங்கத்தின் விலை ரூ.82,320 ஆக உயர்ந்து புதிய உச்சத்தைத் தொட்டது. தங்கம் விலை மேலும் உயரும் என எதிர்பார்க்கப்பட்ட நிலையில், செப்டம்பர் 23 அன்று 22 காரட் ஆபரணத் தங்கத்தின் விலை காலை நிலவரப்படி கிராமுக்கு ரூ.70 உயர்ந்து, ரூ.10,500-க்கும், ஒரு பவுன் ரூ.560 உயர்ந்து ரூ.84,000-க்கும் விற்பனையானது.மாலை நிலவரப்படி மீண்டும் கிராமுக்கு ரூ.140 உயர்ந்து ரூ.10,640-க்கும், பவுனுக்கு ரூ.1,120 உயர்ந்து ரூ.85,120-க்கும் விற்பனை செய்யப்பட்டது. இதனால், கடந்த இரண்டு நாட்களில் மட்டும் சென்னையில் தங்கம் ஒரு பவுனுக்கு ரூ.2,800 வரை உயர்ந்ததால் மக்கள் அதிர்ச்சி அடைந்தனர்.இந்நிலையில் நேற்று (செப்டம்பர் 24) தங்கம் விலை சற்று குறைந்தது. சென்னையில் நேற்று காலை நிலவரப்படி, ஒரு கிராம் ஆபரணத் தங்கம் ரூ.40 குறைந்து ரூ.10,600-க்கும், ஒரு பவுன் ரூ.320 குறைந்து ரூ.84,800-க்கும் விற்பனையானது. தங்கம் விலை நிலவரம்:    தொடர்ந்து 2வது நாளாக இன்றும் தங்கம் விலை சற்று குறைந்துள்ளது. இன்று காலை நிலவரப்படி, ஒரு கிராம் 22 கேரட் தங்கத்தின் விலை ரூ.90 குறைந்து, ரூ.10,510-க்கு விற்பனையாகிறது. அதேபோல், ஒரு பவுன் 22 கேரட் தங்கத்தின் விலை ரூ.720 குறைந்து, ரூ.84,080-க்கு விற்பனையாகிறது. வெள்ளி விலை நிலவரம்:தங்கத்தின் விலை குறைந்த போதிலும், வெள்ளியின் விலையில் எந்த மாற்றமும் இல்லை. ஒரு கிராம் வெள்ளி இன்றும் ரூ.150-க்கு விற்பனை செய்யப்படுகிறது. ஒரு கிலோ வெள்ளி ரூ.1,50,000-க்கு விற்பனை செய்யப்படுகிறது.சர்வதேச சந்தையில் ஏற்படும் மாற்றங்கள், அமெரிக்க டாலரின் மதிப்பு, மத்திய வங்கிகளின் கையிருப்பு மற்றும் முதலீட்டாளர்களின் போக்கு ஆகியவை தங்கத்தின் விலையில் ஏற்ற இறக்கத்தை ஏற்படுத்துகின்றன. தொடர்ந்து அதிகரித்து வந்த தங்கத்தின் விலை இன்று குறைந்துள்ளது, இது பொதுமக்கள் மத்தியில் நல்ல வரவேற்பைப் பெற்றுள்ளது. பண்டிகைக் காலம் மற்றும் திருமண சீசன் நெருங்கி வரும் நிலையில், இந்த விலை குறைவு வாங்குபவர்களுக்கு சாதகமாக இருக்கும்.