PAK vs BAN LIVE Score: இறுதிப் போட்டியில் இந்தியாவுடன் மோதப் போவது யார்? பாகிஸ்தான் – வங்கதேசம் இன்று மோதல்

PAK vs BAN LIVE Score: இறுதிப் போட்டியில் இந்தியாவுடன் மோதப் போவது யார்? பாகிஸ்தான் – வங்கதேசம் இன்று மோதல்

PAK vs BAN T20 Match Live Score: 17-வது ஆசிய கோப்பை கிரிக்கெட் தொடர் கடந்த 9 ஆம் தேதி முதல் ஐக்கிய அரபு அமீரகத்தில் உள்ள துபாய் மற்றும் அபுதாபியில் நடந்து வருகிறது. இதில் பங்கேற்றுள்ள 8 அணிகள் இரு பிரிவாக பிரிக்கப்பட்டன. அதன்படி, ‘ஏ’ பிரிவில் நடப்பு சாம்பியன் இந்தியா, பாகிஸ்தான், ஓமன், ஐக்கிய அரபு அமீரக அணிகளும், ‘பி’ பிரிவில் இலங்கை, ஆப்கானிஸ்தான், வங்கதேசம், ஹாங்காங் அணிகளும் இடம் பெற்றன.லீக் சுற்று முடிவில் நடப்பு சாம்பியன் இந்தியா, பாகிஸ்தான், இலங்கை, வங்கதேசம் ஆகிய அணிகள் சூப்பர்4 சுற்றுக்கு முன்னேறின. தற்போது இந்த அணிகள் அணிகள் தங்களுக்குள் தலா ஒரு முறை மோதுகின்றன. இதன் முடிவில் டாப்-2 இடங்களை பிடிக்கும் அணிகள் இறுதிப் போட்டிக்குள் நுழையும். இதில் 2 போட்டிகளில் விளையாடி இரண்டிலும் வெற்றி பெற்ற இந்திய அணி இறுதிப்போட்டிக்கு முன்னேறியது. இந்நிலையில், ஆசிய கோப்பை தொடரில் இறுதிப் போட்டிக்கு தகுதி பெறும் மற்றொரு அணி எது? என்பது இன்று தெரிந்து விடும். இன்றிரவு 8 மணிக்கு அரங்கேறும் சூப்பர்4 சுற்றின் 5-வது லீக்கில் பாகிஸ்தான்- வங்கதேச அணிகள் பலப்பரீட்சை நடத்துகின்றன. இதில் வெற்றியை ருசிக்கும் அணி 4 புள்ளியுடன் 2-வது அணியாக இறுதிப்போட்டிக்குள் அடியெடுத்து வைக்கும். தோற்கும் அணி வெளியேறும். இலங்கை ஏற்கனவே வாய்ப்பை இழந்து விட்டது.