சினிமா
மம்மூட்டி & மோகன்லால் மீண்டும் இணைந்தால் எப்புடி இருக்கும்.? இன்ஸ்டாவில் லீக்கான தகவல்கள்
மம்மூட்டி & மோகன்லால் மீண்டும் இணைந்தால் எப்புடி இருக்கும்.? இன்ஸ்டாவில் லீக்கான தகவல்கள்
மலையாள திரையுலகின் இரு சூப்பர் ஹிட் நட்சத்திரங்களான மம்மூட்டி மற்றும் மோகன்லால் நீண்ட நாட்கள் கழித்து மீண்டும் ஒரே படத்தில் இணைந்துள்ளனர். இந்த புதிய கூட்டணி குறித்து ஏற்கனவே ரசிகர்கள் மத்தியில் பெரும் எதிர்பார்ப்பு நிலவிக்கொண்டிருந்த நிலையில், தற்போது அதனை மேலும் உயர்த்தும் வகையில், படத்தின் பெயரும், டீசரும் நாளை (அக்டோபர் 2) நண்பகல் 12 மணிக்கு வெளியிடப்படும் என படக்குழுவால் அதிகாரபூர்வமாக அறிவிக்கப்பட்டுள்ளது.மம்மூட்டி மற்றும் மோகன்லால் ஆகிய இருவரும் மலையாள சினிமாவின் நிலையான அடையாளங்களாக, பத்தாண்டுகளாக ஏராளமான கதாபாத்திரங்களில் நடித்து ரசிகர்களை கவர்ந்தவர்கள். இருவரும் பல வருடங்களுக்கு முன் சில படங்களில் இணைந்து நடித்திருந்தார்கள் என்பதும் குறிப்பிடத்தக்கது. அந்த வகையில், இப்போது அவர்கள் மீண்டும் ஒரே திரையில், முழு நீள கதாபாத்திரங்களில் இணைவது என்பது ஒரு வரலாற்று தருணம் என ரசிகர்கள் கருதி வருகின்றனர். படத்தின் தயாரிப்பு, இயக்கம், பின்னணி குழு உள்ளிட்ட விவரங்களை இன்னும் படக்குழு முழுமையாக வெளியிடவில்லை என்பதும் குறிப்பிடத்தக்கது.