சுகர் லெவலை கட்டுக்குள் வைக்கணுமா..? அப்போ இந்த உணவுகளை ட்ரை பண்ணுங்க

சுகர் லெவலை கட்டுக்குள் வைக்கணுமா..? அப்போ இந்த உணவுகளை ட்ரை பண்ணுங்க

ஹைப்பர் கிளைசீமியா என்றும் அழைக்கப்படும் உயர் இரத்த சர்க்கரையைக் குறைப்பது, நீரிழிவு மற்றும் பிற நிலைமைகளுடன் தொடர்புடைய நீண்டகால உடல்நல சிக்கல்களைத் தடுக்க மிகவும் முக்கியமானது.

ஆரோக்கியமான இரத்த சர்க்கரை அளவைப் பராமரிப்பது இருதய நோய் மற்றும் நரம்பு பாதிப்பு, சிறுநீரக பாதிப்பு, பார்வை பிரச்சனைகள் போன்ற பல்வேறு பிரச்சனைகள் வராமல் தடுக்க உதவுகிறது.

 நீரிழிவு நோயாளிகள் அன்றாட உணவில் குறைந்த ஜிஐ (GI) மற்றும் நார்ச்சத்து நிறைந்த உணவுகளைத் தேர்ந்தெடுக்க வேண்டும். இது இரத்தத்தில் சர்க்கரையின் அதிகரிப்பைத் தடுக்க உதவுகிறது. இந்த உணவுகள் அனைத்து முக்கிய ஊட்டச்சத்துக்கள் மற்றும் தாதுக்களால் நன்கு நிரம்பியிருப்பதால், உங்கள் இரத்த சர்க்கரை அளவைக் குறைக்க உதவும்.

கீரைகள் மற்றும் காய்கறிகள்: காலே, கீரை, ப்ரோக்கோலி, காலிஃபிளவர் போன்றவற்றில் நார்ச்சத்து, வைட்டமின்கள் மற்றும் தாதுக்கள் நிறைந்ததாகவும் இருப்பதாகக் கூறப்படுகிறது, மேலும் இது உங்கள் இரத்த சர்க்கரை அளவை சமப்படுத்த உதவும்.

பருப்பு வகைகள்: பீன்ஸ், பயறு வகைகள் மற்றும் கொண்டைக்கடலை ஆகியவை நார்ச்சத்து மற்றும் புரதத்தின் சிறந்த ஆதாரங்களாக அறியப்படுகின்றன, இவை இரண்டும் இரத்த சர்க்கரையை சீராக்க உதவுவதில் சிறந்தவை என்பதால் இவற்றை அடிக்கடி உணவில் சேர்க்க வேண்டும்.

நட்ஸ் மற்றும் விதைகள்: வால்நட்ஸ், சியா விதைகள் மற்றும் ஆளி விதைகள் போன்ற பல நட்ஸ் வகைகள் மற்றும் விதைகளை நீங்கள் சேர்க்கலாம், அவை ஆரோக்கியமான கொழுப்புகள், நார்ச்சத்து மற்றும் புரதத்தால் நிரம்பியுள்ளன, எனவே நிலையான இரத்த சர்க்கரை அளவை பராமரிக்க உதவுகிறது.

பழங்கள்: பல பழங்கள் இரத்த சர்க்கரை அளவை சீராக்க உதவும், குறிப்பாக GI குறைவாக உள்ளவை. அதில் ஸ்ட்ராபெர்ரி, ப்ளூபெர்ரி ஆப்பிள், பேரிக்காய் மற்றும் சிட்ரஸ் பழங்கள் போன்ற பழங்கள் அடங்கும். குறிப்பாக பெர்ரிகளில் குறைந்த முதல் நடுத்தர GI உள்ளது மற்றும் உங்கள் உடலுக்கு நன்மை பயக்கும் ஊட்டச்சத்துக்கள் நிறைந்துள்ளன.

முழு தானியங்கள்: சுத்திகரிக்கப்பட்ட தானியங்களை விட நார்ச்சத்து அதிகம் உள்ள முழு கோதுமை, பழுப்பு அரிசி, ஓட்ஸ் மற்றும் குயினோவா ஆகியவற்றை உங்கள் உணவில் சேர்த்துக் கொள்ளலாம், மேலும் அவை உங்களை ஆரோக்கியமாக வைத்திருக்க உதவுகிறது.