குறைந்தது தங்கம் விலை! ஒரே நாளில் சவரனுக்கு ரூ.2,400 அதிரடி சரிவு: வாங்க இதுதான் சரியான நேரம்

குறைந்தது தங்கம் விலை! ஒரே நாளில் சவரனுக்கு ரூ.2,400 அதிரடி சரிவு: வாங்க இதுதான் சரியான நேரம்

சென்னை:கடந்த சில வாரங்களாக ஏற்ற இறக்கங்களைச் சந்தித்து வந்த தங்கத்தின் விலை, இன்று (அக்டோபர் 22) ஒரே நாளில் சவரனுக்கு ரூ.2,400 குறைந்து, இல்லத்தரசிகளுக்கு நிம்மதி அளித்துள்ளது.கடந்த அக்டோபர் 8-ஆம் தேதி ஒரு சவரன் தங்கம் ரூ.90 ஆயிரத்தைத் தாண்டிய நிலையில், அக்டோபர் 17-ஆம் தேதி ரூ.97 ஆயிரம் என்ற புதிய உச்சத்தைத் தொட்டது. இதைத் தொடர்ந்து, விலை மேலும் உயருமோ என்ற அச்சம் நிலவிய வேளையில், அடுத்த நாளே சவரனுக்கு ரூ.1,600 சரிந்தது.அதன் தொடர்ச்சியாக, நேற்று முன்தினம் (அக்டோபர் 20) சவரனுக்கு ரூ.640 குறைந்து, ஒரு சவரன் தங்கம் ரூ.95,360-க்கு விற்பனையானது. இந்த விலை குறைவு தீபாவளி விற்பனைக்காக என்று கூறப்பட்ட நிலையில், பண்டிகை முடிந்த மறுநாளே விலை மீண்டும் எகிறியது.அதிரடி ஏற்றமும் இறக்கமும்:கடந்த சில நாட்களாகவே ஒரே நாளில் பெரிய ஏற்ற இறக்கங்களை தங்கம் விலை சந்தித்து வருகிறது. அந்த வகையில், நேற்று (அக்டோபர் 21) காலையில் ஒரு சவரனுக்கு ரூ.2,080 வரை உயர்ந்தது. ஆனால், மாலையில் இந்த விலையில் இருந்து ரூ.1,600 குறைந்தது. மொத்தத்தில், நேற்று முன்தினத்தைவிட நேற்று சவரனுக்கு ரூ.480 உயர்ந்து, ஒரு சவரன் ரூ.96,000-க்கு விற்பனையானது.இன்றைய விலை நிலவரம்:நேற்றைய அதிரடி ஏற்ற இறக்கத்திற்குப் பிறகு, இன்று (அக்டோபர் 22) தங்கம் விலை அதிரடியாக சரிந்துள்ளது.சென்னையில் இன்று ஒரு கிராம் தங்கம் ரூ.300 குறைந்து ரூ.11,700-க்கு விற்பனையாகிறது.அதேபோல், ஒரு சவரன் தங்கம் ரூ.2,400 குறைந்து ரூ.93,600-க்கு விற்பனையாகிறது.வெள்ளி விலையும் குறைவு:தங்கத்தைப் போலவே வெள்ளி விலையும் இன்று சரிந்துள்ளது.ஒரு கிராம் வெள்ளி ரூ.2 குறைந்து ரூ.180-க்கு விற்பனையாகிறது.ஒரு கிலோ பார் வெள்ளி ரூ.2,000 குறைந்து ரூ.1,80,000-க்கு விற்பனை செய்யப்படுகிறது.