தனுஷ்காக விருப்பமே இல்லாமல் நடித்த விவேக்; காமெடி சூப்பர் ஹிட், படம் ரிசல்ட் எப்படி தெரியுமா?

தனுஷ்காக விருப்பமே இல்லாமல் நடித்த விவேக்; காமெடி சூப்பர் ஹிட், படம் ரிசல்ட் எப்படி தெரியுமா?

தமிழ் சினிமாவில் சின்ன கலைவாணர் என்று அழைக்கப்பட்டவர் விவேக். பல வெற்றிப்படங்களில் காமெடி மற்றும் குணச்சித்திர கேரக்டர்களில் நடித்துள்ள இவர், விருப்பமே இல்லாமல் நடித்த ஒரு படம் பெரிய வெற்றிப்படமாக அமைந்து அந்த படத்தின் காமெடிகள் இன்றுவரை பேசப்பட்டு வருகிறது.1987-ம் ஆண்டு கே.பாலச்சந்தர் இயக்கத்தில் வெளியான மனதில் உறுதி வேண்டும் என்ற படத்தின் மூலம் திரையுலகில் நடிகராக அறிமுகமானவர் விவேக். அதனைத் தொடர்ந்து, ரஜினிகாந்த், விஜயகாந்த், சரத்குமார், கார்த்திக் தொடங்கி, விஜய், அஜித், சூர்யா, விக்ரம், சிம்பு, தனுஷ் உள்ளிட்ட இன்றைய தலைமுறை நடிகர்கள் பலருடன் இணைந்து காமெடியில் கலக்கியுள்ளார். குறிப்பாக தனுஷூடன் இணைந்து நடித்த சில படங்கள் பெரிய வெற்றிப்படங்களாக அமைந்துள்ளது.தனுஷ் – விவேக் கூட்டணியில் வெளியான முதல் படம் படிக்காதவன். இந்த படத்தின் காமெடி காட்சிகள் ரசிகர்கள் மத்தியில் நல்ல வரவேற்பை பெற்று வரும் நிலையில், விவேக்கின் அசால்ட் ஆறுமுகம் கேரக்டர் இன்றும் மக்கள் மத்தியில் பேசப்படக்கூடிய ஒரு கேரக்டராக நிலைத்திருக்கிறது. 2009-ம் ஆண்டு இந்த படம் வெளியான நிலையில், 2010-ம் ஆண்டு இந்த கூட்டணியில் வெளியான படம் உத்தமபுத்திரன். தெலுங்கில் வெளியான ரெடி படத்தின் ரீமேக்கான இந்த படம் வெளியானது.படத்தில் எமோஷ்னல் ஏகாம்பரம் என்ற கேரக்டரில் விவேக் நடித்திருந்தார். படிக்காதவன் படத்தில் இவர் பேசிய வசனங்கள் அனைத்தும் நல்ல வரவேற்பை பெற்றிருந்துது. ஆனால் உத்தமபுத்திரன் படத்தில் விவேக்கிற்கு அதிகமான வசனங்களே கிடையாது. இதனால் இந்த படத்தில் விருப்பமே இல்லாமல், தனுஷ் கேட்டுக்கொண்டதால் நடித்துள்ளார். ஷுட்டிங்க நடக்கும்போது கூட, நீங்கள் எதுவும் பேச கூடாது. என்று தனுஷ் கூறியுள்ளார். இதனால் துளிகூட விருப்பமே இல்லாமல் விவேக் இந்த படத்தில் நடித்துள்ளார்.அதே சமயம், அவதே எதிர்பார்க்காத வகையில், இந்த படத்தின் காமெடி காட்சிகள் இன்றுவரை பேசப்படும் காட்சிகளாக நிலைத்திருக்கிறது. படிக்காதவன் படத்தில் கூட, முதலில் வடிவேலு தான் கமிட் ஆகி ஷூட்டிங் நடந்துள்ளது. ஆனால் ஒரு கட்டத்தில் அவர் விலகிவிடவே அந்த கேரக்டரில் தான் விவேக் நடித்துள்ளார். அதன்பிறகு இந்த கூட்டணியில் வெளியான மாப்பிள்ளை, வேலையில்லா பட்டதாரி, சீடன் உள்ளிட்ட படங்களில் நடித்துள்ளார்.அதேபோல் வெள்ளை பூக்கள், நான் தான் பாலா, பாலக்காட்டு மாதவன் உள்ளிட்ட சில படங்களில் ஹீரோவாகவும் நடித்துள்ள விவேக், கடந்த 2021-ம் ஆண்டு மரணமடைந்தார். அவர் இல்லை என்றாலும் அவரது காமெடிகள் இன்றும் நம்மை சிரிக்கவும் சிந்திக்கவும் வைக்கிறது.