சென்னையைச் சேர்ந்த பெற்றோருக்குப் பிறந்தவர்… புதிய உலகக் கோப்பை சாதனையைப் படைத்தவர்: யார் இந்த அலானா கிங்?

சென்னையைச் சேர்ந்த பெற்றோருக்குப் பிறந்தவர்… புதிய உலகக் கோப்பை சாதனையைப் படைத்தவர்: யார் இந்த அலானா கிங்?

ஹோல்கர் மைதானத்தில் சனிக்கிழமை நடந்த மகளிர் உலகக் கோப்பை லீக் சுற்றில், ஆஸ்திரேலியாவுக்காக “மன்னர்” (King) தன் ஆதிக்கத்தை நிலைநாட்டினார். கடந்த சில போட்டிகளில் சிறப்பாக பந்துவீசியும் உரிய பலன் கிடைக்காமல் இருந்த லெக் ஸ்பின்னர் அலானா கிங், தென்னாப்பிரிக்காவிற்கு எதிராக இந்தூரில் நடந்த லீக் அட்டவணையின் உச்சப் போட்டியை ஒற்றைப் பக்க ஆட்டமாக மாற்றினார்.கிங்கின் அசத்தலான 7 ஓவர் பந்துவீச்சு, 7 தென்னாப்பிரிக்க விக்கெட்டுகளை வீழ்த்தி, ஐசிசி மகளிர் உலகக் கோப்பை வரலாற்றில் சிறந்த பந்து வீச்சு எண்ணிக்கையைப் (7/18) பதிவு செய்தது. தொடர்ச்சியாக 5 வெற்றிகளுடன் களமிறங்கிய தென்னாப்பிரிக்கா, 24 ஓவர்களில் 97 ரன்களுக்கு ஆல் அவுட் ஆகி அதிர்ச்சியடைந்தது. இலக்கைத் துரத்திய ஆஸ்திரேலியா, ஆரம்பத்தில் சிறிது தடுமாறினாலும், 7 விக்கெட் வித்தியாசத்தில், 199 பந்துகள் மீதமிருக்க எளிதாக வெற்றி பெற்றது.அரையிறுதி அட்டவணைஇதன் மூலம், 7 முறை சாம்பியனான ஆஸ்திரேலியா, எதிர்பார்த்தது போலவே லீக் அட்டவணையில் முதலிடம் பிடித்தது. ஆஸ்திரேலியா, அரை இறுதியில் ஹர்மன்பிரீத் கவுர் தலைமையிலான இந்தியாவை நவி மும்பையில் எதிர்கொள்கிறது. தென்னாப்பிரிக்கா, 2017ம் ஆண்டு அரையிறுதி வரிசையை மீண்டும் நினைவுபடுத்தும் விதமாக, கவுகாத்தியில் இங்கிலாந்தை எதிர்கொள்கிறது. நவி மும்பையில் நடக்கும் அரையிறுதிப் போட்டிக்குத் திரும்புவது, அலானா கிங்கிற்கு மிகவும் உணர்வுப்பூர்வமான தருணமாக இருக்கும். ஏனென்றால், 2022-ஆம் ஆண்டு இறுதியில் இங்குதான் அவர் தனது உறவினர்கள் முன் விளையாடும் நீண்ட கால கனவை நிறைவேற்றினார்.அலானா கிங்கின் இந்தியப் பின்னணிமெல்போர்னில் வளர்ந்த கிங் பெற்றோர், லெராய் (Leroy)-ஷரோன் (Sharon) ஆகியோர் சென்னையில் பிறந்தவர்கள். 1980களில் மெல்போர்னுக்குக் குடிபெயர்ந்தனர். சிறுவயதில் மற்ற ஆஸ்திரேலியக் குழந்தைகளைப் போலவே, இவரும் பள்ளிக்கு உள்ளேயும் வெளியேயும் அனைத்து விளையாட்டுகளையும் விளையாடுவதை வழக்கமாகக் கொண்டிருந்தார்.இந்த செய்தியை ஆங்கிலத்தில் படிக்க“எனது கிரிக்கெட் வாழ்க்கை வீட்டின் பின்புறத்தில் தொடங்கியது. நானும் என் அண்ணனும் நிறைய தொட்டிகளையும் சில ஜன்னல்களையும் உடைத்ததால் அது விரைவில் முன்பகுதிக்கு மாறியது. ஆரம்பத்தில் என் அண்ணன்தான் எனக்குப் பந்துவீசிக் கொடுத்தார், ஆனால் விரைவில் நான் அவரையே அவுட் செய்ய ஆரம்பித்த பிறகு நிலைமை தலைகீழானது” என்று கிங் ஒருமுறை cricket.com.au இடம் கூறினார். குடும்பப் பயணங்களாக அவர் பல முறை இந்தியாவிற்கு வந்துள்ளார்.வரலாற்றுச் சிறப்புமிக்க பந்துவீச்சுவங்கதேசம் (10-4-18-2), இங்கிலாந்துக்கு (10-1-20-1) எதிரான போட்டிகளில், மற்ற சுழற்பந்து வீச்சாளர்கள் பெரிய அளவில் சுழற்சியைப் பெற முடியாத ஆடுகளத்தில் கூட, கிங்கின் பந்துவீச்சை எதிர்கொள்வது கடினமாக இருந்தது. ஆனால், விக்கெட்டுகள் மட்டும் கிடைக்காமல் இருந்தன. அது சனிக்கிழமை முழுவதுமாக மாறியது. 12-வது ஓவரில் பந்துவீச வந்த அவர், தென்னாப்பிரிக்காவின் முக்கியமான 2 வீராங்கனைகளான சுனே லூஸ் (Sune Luus), மரிசான் காப் (Marizanne Kapp) ஆகியோரின் விக்கெட்டுகளை வீழ்த்தினார்.16-வது ஓவரில் மேலும் 2 விக்கெட்டுகளை வீழ்த்தி, தென்னாப்பிரிக்காவின் வரிசையைக் குலைத்தார். அந்தக் கட்டத்தில் அவரது பந்துவீச்சு விவரம் 4/0 என்ற அபாரமான நிலையில் இருந்தது. கடைசி விக்கெட்டாக நடைன் டி க்ளார்க்கை (Nadine de Klerk) தனது கூர்மையான சுழல் மூலம் வீழ்த்தியபோது, மகளிர் ஒருநாள் உலகக் கோப்பை போட்டியில் 7 விக்கெட்டுகளை வீழ்த்திய முதல் வீராங்கனை என்ற வரலாற்றை படைத்தார். மேலும், தனது தலைமைப் பயிற்சியாளர் ஷெல்லி நிட்ச்கே 2005-ல் எடுத்த 7/24 மற்றும் இப்போதைய அணியின் வீரர் எலிஸ் பெர்ரி (Ellyse Perry) 2019-ல் எடுத்த 7/22 என்ற சாதனையை முறியடித்து, ஆஸ்திரேலியாவிற்கான சிறந்த பந்துவீச்சு எண்ணிக்கையையும் பதிவு செய்தார்.சேஸிங் மற்றும் உத்வேகம்இந்தியாவுக்கு எதிரான அரையிறுதிப் போட்டிக்கு முன்பு, “நவி மும்பையில் சில குடும்ப நண்பர்கள் என்னை பார்க்க வரலாம். மும்பையில் சிலர் இருக்கிறார்கள். அவர்களைச் சந்தித்து, நான் நேரில் விளையாடுவதை அவர்கள் பார்ப்பது மகிழ்ச்சியாக இருக்கும். அவர்களுடன் பேசும்போது, எதுவும் மாறாதது போல உணர்வேன். நான் கிரிக்கெட் விளையாடுவதை அவர்கள் பார்ப்பது மகிழ்ச்சியான விஷயம். போட்டி நெருங்கும்போது வாட்ஸ்அப் நிச்சயம் பரபரக்கும் என்று நம்புகிறேன்,” என்று கிங் கூறியிருந்தார்.மறைந்த லெக் ஸ்பின் அரசன் ஷேன் வார்னேவைப் பார்த்து உத்வேகம் அடைந்த கிங், தனது பந்துவீச்சுப் பாணியைத் தொடர்ந்து மேம்படுத்தி வருகிறார். சனிக்கிழமையன்று அவரது பந்துவீச்சைப் பற்றிப் பேசிய முன்னாள் இந்திய விக்கெட் கீப்பர் தினேஷ் கார்த்திக், “இது மணிக்கட்டு சுழல் (wrist spin) அவர் பந்தைத் துல்லியமாகக் கொண்டு சென்றார். மிக முக்கியமாக, ஆடுகளத்தைப் பயன்படுத்திக் கொண்டார். பிட்ச்சில் உள்ள புற்கள் கொண்ட பகுதிகளைப் பயன்படுத்திச் சில பந்துகளைச் சறுக்கி (skid) நேராக அனுப்பினார். பால்ட் (bald) பகுதிகள் மற்றும் புல்வெளிகள் கொண்ட பிட்ச்சை அவர் தனக்குச் சாதகமாகப் பயன்படுத்தியது ஆச்சரியமாக இருந்தது. ஸ்டம்புகளைக் குறிவைத்துத் தொடர்ந்து பந்து வீசுவதைப் பார்ப்பது அற்புதமாக இருந்தது,” என்று பாராட்டினார். கிங் அற்புதமான வடிவம், அவரை வலுவான ஆஸ்திரேலிய அணியின் முக்கியச் சுழற்பந்து வீச்சாளராக மாற்றியுள்ளது. தனது முதன்மையான பந்தை (stock ball) நிலையாக வீசுவதில் கவனம் செலுத்தியதுதான் முக்கியக் காரணம் என்று அவர் கூறினார்.மகளிர் ஒருநாள் போட்டிகளில் கிங் வெற்றியை ஒரு புள்ளிவிவரம் நிரூபிக்கிறது: குறைந்தது 50 விக்கெட்டுகளை வீழ்த்திய பந்துவீச்சாளர்களில், கிங்தான் சிறந்த ஸ்ட்ரைக் ரேட்டைக் (ஒரு விக்கெட்டுக்கு 25.6 பந்துகள்) கொண்டுள்ளார். வியாழக்கிழமை நவி மும்பையில் இந்தியாவுக்கு எதிரான அரையிறுதிப் போட்டியில் ஆஸ்திரேலியாவின் மிகப் பெரிய அச்சுறுத்தலாக அவர் இருப்பார்.ஸ்கோர் விவரம்:தென்னாப்பிரிக்கா 24 ஓவர்களில் 97 ரன்களுக்கு ஆல் அவுட் (லாரா வோல்வார்ட் 31; அலானா கிங் 7/18)ஆஸ்திரேலியா 16.5 ஓவர்களில் 3 விக்கெட் இழப்புக்கு 98 ரன்கள் (பெத் மூனி 42, ஜார்ஜியா வால் 38*; மரிசான் காப் 1/11).ஆஸ்திரேலியா 7 விக்கெட்டுகள் வித்தியாசத்தில் வெற்றி பெற்றது.