ரூ.818 கோடி வசூலை குவித்த காந்தாரா சாப்டர் 1: ஓ.டி.டி ரிலீஸ் பற்றி முக்கிய அப்டேட்

ரூ.818 கோடி வசூலை குவித்த காந்தாரா சாப்டர் 1: ஓ.டி.டி ரிலீஸ் பற்றி முக்கிய அப்டேட்

Kantara Chapter 1 OTT Release: கன்னட சினிமாவில் தயாராகி இந்திய சினிமாவை அலறவிடும் அளவுக்கு வசூலை வாரி குவித்து வருகிறது ‘காந்தாரா சாப்டர் 1’ திரைப்படம்.  இந்திய சினிமாவில் சிறிய திரையுலகமாக இருந்த கன்னட சினிமா தற்போது இந்திய அளவில் பிரம்மாண்ட வெற்றியை தரக்கூடிய அளவுக்கு பெரிய பட்ஜெட் படங்கள் எடுக்க தொடங்கியுள்ளனர். இந்த படங்கள், எதிர்பார்ப்பை பூர்த்தி செய்யும் வகையிலும், எதிர்பார்ப்புக்கு மிஞ்சிய படமாகவும் இருந்து வருகிறதுஅந்த வகையில் வெளியான கே.ஜி.எஃப் 1 மற்றும் 2 படங்கள் பெரிய வசூல் வேட்டை நடத்தியது. கன்னட சினிமாவில் இன்றுவரை அதிகம் வசூல் செய்த படம் கே.ஜி.எஃப் 2 படம் தான். இந்த சாதனையை எட்டும் வகையில், தற்போது ’காந்தாரா சாப்டர் 1’ திரைப்படம் பயணித்து வருகிறது. கடந்த 2022-ம் ஆண்டு வெளியான ’காந்தாரா’ திரைப்படம் ரூ. 15 கோடியில் தயாராகி 400 கோடிக்கு மேல் வசூலித்து புதிய சாதனை படைத்தது. அதனைத் தொடர்ந்து இந்த படத்தின் ப்ரீக்குவல் படமாக ’காந்தாரா சாப்டர் 1’ திரைப்படம், அறிவிக்கப்பட்டது. இந்த படத்தின் அறிவிப்பு வெளியானபோதே ரசிகர்கள் மத்தியில் எதிர்பார்ப்பும் அதிகமாக இருந்தது. இந்த எதிர்பார்ப்புகளை பூர்த்தி செய்யும் வகையில் ’காந்தாரா சாப்டர் 1’ திரைப்படம் வசூலை குவித்து வருகிறது. கடந்த அக்டோபர் 2-ந் தேதி வெளியான ’காந்தாரா சாப்டர் 1’ திரைப்படம் சுமார் 125 கோடி பட்ஜெட்டில் எடுக்கப்பட்டுள்ள நிலையில், தற்போது உலக அளவில் ரூ.818 கோடிக்கு மேல் வசூலை குவித்துள்ளது. தரவுகளின்படி ‘காந்தாரா சாப்டர் 1’ திரைப்படம் இந்திய அளவில் ரூ. 500 கோடிக்கு மேல் வசூலித்து சாதனை படைத்துள்ளது.கன்னட படங்களின் பட்டியலில் ’காந்தாரா சப்டர் 1’ திரைப்படம் 2-வது இடத்தை பிடித்துள்ளது, இந்த பட்டியலில், யஷ் நடிப்பில் வெளியான கே.ஜி.எஃப் 2 திரைப்படம் ரூ.1200 கோடி வசூலித்து முதலிடத்தில் உள்ளது. அதேபோல் ரூ.408 கோடி வசூலித்து இந்த பட்டியலில் 2-வது இடத்தில் இருந்த காந்தாரா திரைப்படம் தற்போது 3-வது இடத்தை பிடித்துள்ளது. ’காந்தாரா சாப்டர் 1’ திரைப்படத்தின் ஓ.டி.டி ரிலீஸ் குறித்த அறிவிப்பை எதிர்பார்த்து ரசிகர்கள் காத்திருக்கின்றனர்….to become LEGENDARY 🔥 pic.twitter.com/xRh6zFJkS1இதற்கிடையே, ஓ.டி.டி ரிலீஸ் தேதி குறித்த அறிவிப்பு விரைவில் வரவிருப்பதை உறுதிப்படுத்தும் விதமாக அமேசான் ப்ரைம் ஓ.டி.டி தளம் புதிய போஸ்டர் ஒன்றை வெளியிட்டுள்ளது. இந்த போஸ்டரை ரசிகர்கள் சமூக வலைதளத்தில் வைரலாக்கி வருகின்றனர். ’காந்தாரா சாப்டர் 1’ திரைப்படத்தை இயக்குநர் ரிஷப் ஷெட்டி இயக்கி நடித்துள்ளார். இப்படத்தில் ருக்மணி, ஜெயராம் உட்பட பலர் முக்கிய கதாபாத்திரத்தில் நடித்திருந்தனர்.