ஒரு எபிசோடுக்கு இத்தனை லட்சமா? பிக்பாஸ் நிகழ்ச்சியில் அகோரி கலையரசன் சம்பளம் இதுதான்!

ஒரு எபிசோடுக்கு இத்தனை லட்சமா? பிக்பாஸ் நிகழ்ச்சியில் அகோரி கலையரசன் சம்பளம் இதுதான்!

ரியாலிட்டி ஷோக்களில் மக்கள் விரும்பி பார்க்கும் நிகழ்ச்சிகளில் ஒன்றாக பிக்பாஸ் நிகழ்ச்சி உள்ளது. இந்த நிகழ்ச்சி தமிழ் மட்டுமல்லாமல் பான் இந்தியா அளவில் ஒளிபரப்பு செய்யப்படுகிறது. ஒவ்வொரு மொழியிலும் அங்குள்ள திரைப்பிரபலங்கள் இந்த நிகழ்ச்சியை தொகுத்து வழங்கி வருகின்றனர். தமிழில் பிக்பாஸ் நிகழ்ச்சி 9 சீசனை எட்டியுள்ளது. முதல் 7 சீசன்களை கமல் தொகுத்து வழங்கிய நிலையில் 8-வது சீசனில் இருந்து விஜய் சேதுபதி இந்நிகழ்ச்சியை தொகுத்து வழங்கி வருகிறார்.பிக்பாஸ் சீசன் 9 நிகழ்ச்சியில் சமூக வலைதளப் பிரபலங்கள் அதிகமாக கலந்து கொண்டனர். இதில் அகோரி கலையரசனும் கலந்து கொண்டார். இவர் தன் அகோரி என்ற பெயரை மாற்றுவதற்காகவே பிக்பாஸ் வீட்டிற்கு வந்திருப்பதாக நிகழ்ச்சியின் ஆரம்பத்தில் தெரிவித்திருந்தார். அகோரி கலையரசன் பிக்பாஸ் நிகழ்ச்சிக்கு வந்ததும் அவர் என்னதான் செய்யப் போகிறார் என்று மக்கள் ஆர்வமுடன் பார்த்தனர்.ஆனா, ‘பேச்சு மட்டும் தான் வீச்சு எதுவும் இல்லை’ என்பது போல நிகழ்ச்சியின் ஆரம்பத்தில் துடிப்பாக பேசிய கலையரசன் அதன்பின்னர் பல்ஸ் போனவர் மாதிரி ஆகிவிட்டார். கலையரசன் என்ற ஒருவர் வீட்டில் இருகிறாரா? என்று மக்கள் கேள்வி எழுப்பும் அளவிற்கு அவரது விளையாட்டு இருந்தது. சனிக்கிழமை நிகழ்ச்சியில் நடிகர் விஜய் சேதுபதி, கலையரசனை லெஃப்ட், ரைட் வாங்கிவிட்டார். நீங்க பேசுவதற்கு எத்தனை தடவை தான் பீப் போட முடியும். அதிக பீப் வார்த்தைகளை பேசுகிறீர்கள் என்று வெளுத்து வாங்கினார்.இதையடுத்து கலையரசன் நேற்று பிக்பாஸ் வீட்டில் இருந்து எவிக்ட் ஆனார். இந்நிலையில், பிக்பாஸ் நிகழ்ச்சியில் கலந்து கொண்ட கலையரசனின் ஒரு நாள் சம்பளம் குறித்த தகவல் வெளியாகியுள்ளது. அதாவது, கலையரசன் ஒரு  எபிசோடிற்கு ரூ.2 லட்சம் வரை சம்பளமாக பெற்றதாக கூறப்படுகிறது. அப்படி பார்த்தால் கலையரசன் பிக்பாஸ் வீட்டிற்குள் 28 நாட்கள் இருந்திருக்கிறார். அப்போது அவர் இதுவரை லட்சக்கணக்கில் சம்பளம் வாங்கி இருப்பாரே என்று மக்கள் கருத்து தெரிவித்து வருகின்றனர்.அகோரி கலையரசன் என்றால் இணையதளம் பயன்படுத்தும் அனைவருக்கும் தெரிந்த முகம் தான். டிக்டாக் வீடியோ மூலம் பிரபலமான இவர், அதன்பிறகு, இன்ஸ்டாகிராம் மற்றும் யூடியூப்களில் வீடியோ வெளியிட்டு பிரபலமாகினார். மேலும் பல கரகம் வைத்து ஆடும் ஆட்டத்தை பிரபலபடுத்தும் முயற்சியில் இருக்கும் கலையரசன் இடையில் அகோரியாக மாறி பலரையும் வியப்பில் ஆழ்த்தியிருந்தார். இதையடுத்து, பிக்பாஸ் நிகழ்ச்சியில் கலந்து கொண்டார்.