ஓய்வூதியம் தொடரனுமா? மொபைலில் இருந்தே உங்கள் வாழ்நாள் சான்றிதழை சமர்ப்பிப்பது எப்படி? வங்கிக்குப் போக வேண்டாம்!

ஓய்வூதியம் தொடரனுமா? மொபைலில் இருந்தே உங்கள் வாழ்நாள் சான்றிதழை சமர்ப்பிப்பது எப்படி? வங்கிக்குப் போக வேண்டாம்!

இந்தியாவில் ஓய்வூதியம் பெறும் கோடிக்கணக்கான முதியோர்களுக்கு ஒவ்வொரு வருடமும் வரும் ஒரு முக்கியமான சவால், நவம்பர் மாதத்தில் வாழ்நாள் சான்றிதழைச் (Life Certificate / Jeevan Pramaan) சமர்ப்பிப்பதாகும். இந்தச் சான்றிதழைச் சமர்ப்பித்தால் மட்டுமே ஓய்வூதியம் தடையின்றி வங்கிக் கணக்கில் வரவு வைக்கப்படும்.உடல்நலக் குறைபாடு காரணமாக வங்கிக்குச் செல்ல முடியாதவர்களுக்காக, ஆன்லைனில் வீட்டில் இருந்தபடியே மற்றும் வீட்டு வாசலிலேயே சான்றிதழைச் சமர்ப்பிப்பதற்கான வழிகளை மத்திய அரசு எளிமையாக்கியுள்ளது.முக்கிய விதி: எப்போது சமர்ப்பிக்க வேண்டும்?அனைத்து ஓய்வூதியதாரர்களும் ஒவ்வொரு வருடமும் நவம்பர் மாதத்தில் தவறாமல் வாழ்நாள் சான்றிதழைச் சமர்ப்பிக்க வேண்டும்.80 வயது அல்லது அதற்கு மேற்பட்ட ஓய்வூதியதாரர்கள், மற்றவர்களை விடச் சற்று முன்னதாகவே, அதாவது அக்டோபர் 1 முதல் நவம்பர் 30, 2025 வரை சமர்ப்பிக்கலாம். இதன் மூலம் நவம்பர் மாத நெரிசலைத் தவிர்க்கலாம்.சான்றிதழ் சமர்ப்பிப்பதற்கான வழிமுறைகள்:வாழ்நாள் சான்றிதழைச் சமர்ப்பிக்க மூன்று முக்கிய வழிகள் உள்ளன. உங்களின் வசதிக்கு ஏற்ப எந்த முறையையும் தேர்வு செய்யலாம்.I. டிஜிட்டல் முறை (ஆன்லைன்/வீட்டில் இருந்தே):இது ஆதார் (Aadhaar) அடிப்படையிலான டிஜிட்டல் சான்றிதழ் (Digital Life Certificate – DLC) ஆகும்.ஜீவன் பிரமாண் தளம் (Jeevan Pramaan Portal):https://jeevanpramaan.gov.in என்ற இணையதளத்திற்குச் சென்று கணினி, லேப்டாப் அல்லது மொபைல் சாதனம் மூலம் ஆதார் அங்கீகாரத்தைப் பயன்படுத்தி சான்றிதழைச் சமர்ப்பிக்கலாம்.பயோமெட்ரிக் (கைரேகை அல்லது கருவிழி) மூலம் அங்கீகரித்த பிறகு, உடனடியாக டிஜிட்டல் வாழ்நாள் சான்றிதழ் உருவாக்கப்பட்டு, ஓய்வூதியம் வழங்கும் ஏஜென்சிகள் ஆன்லைனில் அதைப் பெற்றுக்கொள்ளும்.உமங் செயலி (UMANG App):கூகுள் ப்ளே ஸ்டோரில் இருந்து UMANG செயலியைப் பதிவிறக்கம் செய்யவும்.அதில் ‘Jeevan Pramaan’ என்பதைத் தேடி, ‘Generate Life Certificate’ என்பதைக் கிளிக் செய்யவும்.தேவையான அனைத்து விவரங்களையும் உள்ளீடு செய்து சான்றிதழைப் பெறலாம்.II. நேரடிச் சமர்ப்பிப்பு (Offline Submission):வங்கி அல்லது தபால் அலுவலகத்தின் கிளைக்குச் சென்று நேரடியாகச் சமர்ப்பிப்பது.அரசின் பொதுச் சேவை மையங்களுக்கு (CSC centres) சென்று சமர்ப்பிப்பது.III. வீட்டு வாசலில் சேவை (Doorstep Banking):இந்தியா போஸ்ட் பேமெண்ட்ஸ் வங்கி (IPPB) வழங்கும் வீட்டு வாசலில் சேவை (Doorstep Banking) மூலம் ஓய்வூதியதாரர்கள் தங்கள் இருப்பிடத்திலேயே சான்றிதழைச் சமர்ப்பிக்கலாம்.இந்த சேவை இந்தியா போஸ்ட் பேமெண்ட்ஸ் வங்கி (IPPB) வாடிக்கையாளர்களுக்கு மட்டுமல்ல, மற்ற வாடிக்கையாளர்களுக்கும் கிடைக்கிறது.அவசியமான ஆவணங்கள் (கையில் வைத்திருக்க வேண்டியவை):வாழ்நாள் சான்றிதழைச் சமர்ப்பிக்கும் முன், கீழ்க்கண்ட விவரங்களை அருகில் வைத்திருக்க வேண்டும்:ஆதார் எண் மற்றும் மொபைல் எண்ஓய்வூதியத் தொகை ஆணை (PPO) எண்வங்கிக் கணக்கு எண்ஓய்வூதியத்தை அனுமதித்த அதிகாரத்தின் பெயர்முக்கிய குறிப்பு: டிஜிட்டல் வாழ்நாள் சான்றிதழ் என்பது தகவல் தொழில்நுட்பச் சட்டத்தின் கீழ் அங்கீகரிக்கப்பட்ட செல்லுபடியாகும் சான்றிதழாகும். இது, ஓய்வூதியதாரர்கள் தாங்கள் உயிரோடு இருப்பதை நிரூபிக்க, அதிகாரிகள் முன் நேரில் செல்ல வேண்டிய தேவையை நீக்குகிறது.