நீங்க பண்ணுனது ரொம்ப தப்பு… மூளையில்லாதவர் மாதிரி பேசுறீங்க; கெளரி கிஷன் ஆத்திரம்

நீங்க பண்ணுனது ரொம்ப தப்பு… மூளையில்லாதவர் மாதிரி பேசுறீங்க; கெளரி கிஷன் ஆத்திரம்

வளர்ந்து வரும் நடிகைகளில் ஒருவர் கெளரி கிஷன். இவர் கடந்த 2018-ஆம் ஆண்டு வெளியான ‘96’ படத்தின் மூலம் திரைத்துறையில் அறிமுகமானார். பிரேம் குமார் இயக்கிய இந்த படத்தில் நடிகை கெளரி கிஷன் இளம் வயது ஜானகியாக நடித்திருப்பார். தனது முதல் படத்திலேயே ரசிகர்களின் மனதை கொள்ளை கொண்டார் கெளரி கிஷன்.தொடர்ந்து, மலையாளத்தில் ‘மார்க்கமாளி’ தெலுங்கில் ‘ஜானு’ போன்ற படங்களில் நடித்தார்.   கடந்த 2021-ஆம் விஜய் நடிப்பில் வெளியான ’மாஸ்டர்’ திரைப்படத்தில் முக்கிய கதாபாத்திரத்தில் நடித்திருந்தார். இப்படம் கெளரி கிஷன் கேரியரை மாற்றியது. தற்போது பல படங்களை நடிகை கெளரி கிஷன் கைவசம் வைத்துள்ளார்.இவர் தற்போது, அபின் ஹரிஹரன் இயக்கத்தில் கிராண்ட் பிக்சர்ஸ் தயாரிப்பில் உருவாகியுள்ள ‘அதர்ஸ்’ திரைப்படத்தில் நடிக்கிறார். இந்த படத்தில் கதாநாயகனாக ஆதித்யா மாதவன், அஞ்சு குரியன் மற்றும் முனிஸ்காந்த், ஹரிஷ் பெராடி, நண்டு ஜெகன் மாலா, பார்வதி, வினோத் சாகர் உள்பட பலர் நடித்துள்ளனர். செயற்கை கருத்தரிப்பு சிகிச்சையில் நடக்கும் மோசடியை மையமாகக் கொண்டு இந்தப் படம் உருவாகி இருக்கிறது. வருகிற 7-ஆம் தேதி இப்படம் ரிலீஸாகவுள்ளது. இப்படத்தின் செய்தியாளர் சந்திப்பின் போது, ஆதித்யா மாதவனிடம் பாடலில் கதாநாயகி கவுரிகிஷனை தூக்கி சுற்றி வருகிறீர்களே? அவர் ரொம்ப ‘வெயிட்’ஆக இருந்தாரா? என கேள்வி எழுப்பப்பட்டது. கேள்விக்கு பதிலளித்த ஆதித்யா, ரொம்ப ‘வெயிட்’ஆக இல்லை. நான் ஏற்கனவே ‘ஜிம்’ உடலமைப்பு கொண்டவன். எனவே அவரது உடல் எடை எனக்கு பெரிதாக தெரியவில்லை என்று பதிலளித்தார். இந்த கேள்வி அப்போது பெரிதாக பேசப்படவில்லை என்றாலும் அதன் பிறகு பூதாகரமாக வெடித்தது. இந்நிலையில், நடிகை கெளரி கிஷன், பத்திரிகையாளர் செய்தது ரொம்ப தவறு என்று தெரிவித்துள்ளார்.நேர்காணல் ஒன்றில் பேசிய அவர், “பத்திரிகையாளர் செய்தது ரொம்ப தவறு. மூளையை இல்லாதவர் போல் பேசியிருந்தார். நான் அவர் நம்பர் வாங்கி பேசலாம் என்று நினைத்தேன். அது வெறும் ஆர்க்யூமெண்டாக தான் மாறுமே தவிர அதனால் அவர் மாறப்போவது இல்லை. அவர் ஏன் அந்த வேலையை செய்தார் என்று தெரியவில்லை” என்றார்.