தங்கத்தை விடுங்க… இனி வெள்ளியையும் அடமானம் வைத்துப் பணம் பெறலாம்! அதிகபட்ச வரம்பு என்ன?

தங்கத்தை விடுங்க… இனி வெள்ளியையும் அடமானம் வைத்துப் பணம் பெறலாம்! அதிகபட்ச வரம்பு என்ன?

இந்தியாவில் அடமானக் கடன்கள், குறிப்பாகத் தங்கம் மற்றும் வெள்ளி நகைகள் மீதான கடன்கள் தொடர்பான விதிமுறைகளை ரிசர்வ் வங்கி (RBI) மாற்றி, புதிய சகாப்தத்திற்கு வழி வகுத்துள்ளது. இந்த சீர்திருத்தங்கள், கடன் வாங்குபவர்களுக்கு அதிக பாதுகாப்பு, வெளிப்படைத்தன்மை மற்றும் கடன் வழங்குநர்களுக்கு அதிகப் பொறுப்புணர்வையும் உறுதி செய்கின்றன. இந்த புதிய தரப்படுத்தப்பட்ட வழிகாட்டுதல்கள் ஏப்ரல் 1, 2026 முதல் அமலுக்கு வர உள்ளன. இனி வெள்ளியும் அடமானம்!இதுவரை தங்கக் கடன்கள் மட்டுமே ஆதிக்கம் செலுத்திய நிலையில், புதிய விதிகளின்படி, வெள்ளியும் அங்கீகரிக்கப்பட்ட அடமானப் பிணையமாக (Collateral) மாறுகிறது. இதன் மூலம், வங்கிகள், கூட்டுறவு வங்கிகள் மற்றும் (NBFC) இனி வெள்ளி நகைகள் மற்றும் நாணயங்கள் மீதும் கடன் வழங்க முடியும்.அனுமதிக்கப்பட்ட அடமானப் பொருட்கள்: குறுகிய காலத் தேவைகளுக்காக தங்கம் மற்றும் வெள்ளி நகைகள், ஆபரணங்கள் அல்லது நாணயங்கள் மீது மட்டுமே கடன் வழங்க ரிசர்வ் வங்கி அனுமதிக்கிறது.இரட்டை அடமானம் கூடாது! ஏற்கெனவே அடமானம் வைக்கப்பட்ட தங்கம்/வெள்ளியை மீண்டும் அடமானம் வைக்கவோ அல்லது அதன் மீது கடன் வாங்கவோ முடியாது. மேலும், கட்டித் தங்கம்/வெள்ளி (Bullion) அல்லது தங்க பத்திரங்களை (Gold ETFs) வாங்குவதற்காகவும் கடன் எடுக்கக் கூடாது.சிறு கடனாளிகளுக்கு ‘பம்பர்’ சலுகை: சிறு கடனாளர்களை ஊக்குவிக்கும் வகையில், கடன் மதிப்பின் மீதான கடன் தொகை (Loan-to-Value) வரம்பை ரிசர்வ் வங்கி உயர்த்தி உள்ளது.கட்டாயக் காலவரம்பு: புல்லட் கடன்களுக்கு 12 மாதங்கள்!வட்டியையும் அசலையும் மொத்தமாக இறுதியில் செலுத்தும் புல்லட் திரும்பச் செலுத்தும் கடன்கள் (Bullet Repayment Loans) இனி அதிகபட்சமாக 12 மாதங்களுக்குள் கட்டாயம் திருப்பிச் செலுத்தப்பட வேண்டும். இது கடனாளிகள் கடனில் நீண்டகாலம் இருக்காமல் இருக்க உதவுகிறது.அடமானப் பொருட்களை விடுவிப்பதில் புதிய விதிகள்!கடனாளியின் பாதுகாப்பை உறுதிசெய்ய, அடமானம் வைத்த பொருளைத் திரும்பப் பெறுவதற்கான விதிமுறைகள் மிகவும் இறுக்கப்பட்டுள்ளன:கடனை முழுமையாகச் செலுத்திய அதே நாளில், அடமானம் வைக்கப்பட்ட தங்கம் அல்லது வெள்ளியை கடன் வழங்குநர்கள் கட்டாயம் திரும்பக் கொடுக்க வேண்டும்.அவ்வாறு திரும்பக் கொடுப்பதில் 7 வேலை நாட்களுக்கு மேல் தாமதம் ஏற்பட்டால், தாமதமாகும் ஒவ்வொரு நாளுக்கும் கடனாளிகளுக்கு ₹5,000 அபராதத் தொகையை (Compensation) கடன் வழங்குநர்கள் செலுத்த வேண்டும்.தணிக்கை அல்லது கையாளும் போது அடமானம் வைக்கப்பட்ட தங்கம் அல்லது வெள்ளி தொலைந்து போனாலோ அல்லது சேதமடைந்தாலோ, கடன் வழங்குநர்கள் கடனாளிகளுக்கு முழுமையாக இழப்பீடு வழங்க வேண்டும்.வெளிப்படையான ஏல நடைமுறைகடனைத் திருப்பிச் செலுத்தாமல் தவறும் (loan defaults) பட்சத்தில், அடமானம் வைக்கப்பட்ட தங்கத்தை ஏலம் விடுவதற்கான நடைமுறைகள் இப்போது முழுமையாக வெளிப்படையானதாக இருக்க வேண்டும்:தங்கம்/வெள்ளி ஏலம் விடுவதற்கு முன், கடன் வழங்குநர்கள் கட்டாயம் சரியான அறிவிப்பை வெளியிட வேண்டும்.அடமான வரம்பு: எவ்வளவு வரை வைக்கலாம்?கடன் வாங்குபவர்கள் அடமானம் வைக்கக்கூடிய தங்கம் மற்றும் வெள்ளியின் அளவுகளுக்கு ரிசர்வ் வங்கி உச்சவரம்பை நிர்ணயித்துள்ளது. இந்த வரம்புகள் ஒரு கடனாளிக்கு, அனைத்து கடன் வழங்குநர்களின் கிளைகளிலும் சேர்த்துப் பொருந்தும்.உங்கள் மொழியில் தகவல் பரிமாற்றம்!கடன் விதிமுறைகள், கட்டண விவரங்கள் மற்றும் அடமான மதிப்பிடுதல் நடைமுறைகள் அனைத்தும் கடன் வாங்குபவரின் விருப்பமான அல்லது பிராந்திய மொழியில் (உதாரணமாக, தமிழில்) தெளிவாக வழங்கப்பட வேண்டும். எழுதப் படிக்கத் தெரியாதவர்களுக்கு, இந்த விவரங்கள் ஒரு சுயாதீன சாட்சியின் முன்னிலையில் கட்டாயம் பகிரப்பட வேண்டும்.இந்த புதிய ரிசர்வ் வங்கி வழிகாட்டுதல்கள் ஏப்ரல் 1, 2026 முதல் நடைமுறைக்கு வரும்போது, சிறிய கடன் வாங்குபவர்கள் அதிகப் பலன்களைப் பெறுவதுடன், தங்கத்துடன் வெள்ளியையும் அடமானம் வைத்து நிம்மதியாகக் கடன் பெற முடியும்.