‘இந்து தர்மத்திற்கே பதிவு இல்லை’: ஆர்.எஸ்.எஸ்-ன் சட்டபூர்வ நிலை குறித்து கேள்வி; காங்கிரசுக்கு மோகன் பாகவத் பதிலடி

‘இந்து தர்மத்திற்கே பதிவு இல்லை’: ஆர்.எஸ்.எஸ்-ன் சட்டபூர்வ நிலை குறித்து கேள்வி; காங்கிரசுக்கு மோகன் பாகவத் பதிலடி

ஆர்.எஸ்.எஸ் ஒரு பதிவு செய்யப்படாத அமைப்பு என்ற காங்கிரஸின் கருத்துகளுக்கு, அந்த அமைப்பு “தனிநபர்களின் ஒரு அமைப்பாக” அங்கீகரிக்கப்பட்டுள்ளது என்று ஆர்.எஸ்.எஸ். தலைவர் மோகன் பாகவத் ஞாயிற்றுக்கிழமை பதிலளித்தார்.ஆங்கிலத்தில் படிக்க:ஆர்.எஸ்.எஸ்-ஐ தடை செய்ய வேண்டும் என்று காங்கிரஸ் தலைவர் மல்லிகார்ஜுன கார்கே சமீபத்தில் கூறியதைத் தொடர்ந்தும், அவரது மகனும் கர்நாடக அமைச்சருமான பிரியங்க் கார்கே, அரசு நிறுவனங்கள் மற்றும் பொது இடங்களில் ஆர்.எஸ்.எஸ். நடவடிக்கைகளுக்குத் தடை கோரியதைத் தொடர்ந்தும் இந்தக் கருத்துகள் வந்துள்ளன. அவர் ஆர்.எஸ்.எஸ்-ன் பதிவு எண் மற்றும் அதன் நிதி ஆதாரங்கள் குறித்தும் கேள்வி எழுப்பினார்.பெங்களூருவில் நடந்த “சங்கப் பயணத்தின் 100 ஆண்டுகள்: புதிய எல்லைகள்” என்ற நிகழ்வில், ஓர் உள்ளகக் கேள்வி-பதில் அமர்வின்போது உரையாற்றிய பாகவத்,  “ஆர்.எஸ்.எஸ் 1925-ல் நிறுவப்பட்டது, அப்படியிருக்க, நாங்கள் பிரிட்டிஷ் அரசாங்கத்திடம் பதிவு செய்திருக்க வேண்டும் என்று எதிர்பார்க்கிறீர்களா?” என்று கேட்டார்.சுதந்திரத்திற்குப் பிறகு இந்திய அரசு பதிவுகளைக் கட்டாயமாக்கவில்லை என்றும், தனிநபர்களின் அமைப்புக்கும் சட்டபூர்வமான அந்தஸ்து வழங்கப்படுகிறது என்றும் அவர் விளக்கினார். “நாங்கள் தனிநபர்களின் அமைப்பாக வகைப்படுத்தப்பட்டுள்ளோம், மேலும் நாங்கள் அங்கீகரிக்கப்பட்ட அமைப்பு” என்று அவர் கூறினார்.வருமான வரித் துறை மற்றும் நீதிமன்றங்கள் எங்களைத் தனிநபர்களின் அமைப்பாக அங்கீகரித்தன, மேலும் அந்த அமைப்புக்கு வருமான வரி விலக்கு அளிக்கப்பட்டது என்று ஆர்.எஸ்.எஸ். தலைவர் மோகன் பகவத் கூறினார்.இந்த அமைப்பு இதுவரை 3 முறை தடை செய்யப்பட்டுள்ளது என்பதையும் அவர் குறிப்பிட்டார். காங்கிரஸைப் பார்த்துக் கேள்வி எழுப்பிய மோகன் பகவத், “ஆர்.எஸ்.எஸ். இல்லையென்றால், யாரைத்தான் தடை செய்தார்கள்?” என்று கேட்டார்.பதிவு செய்யப்படாத பல விஷயங்கள் உள்ளன என்று பகவத் மேலும் கூறினார். “இந்து தர்மத்திற்குக் கூடப் பதிவு செய்யப்படவில்லை” என்று அவர் கருத்துத் தெரிவித்தார்.ஆர்.எஸ்.எஸ். காவிக் கொடியை மட்டுமே மதிக்கிறது என்ற கூற்றுக்களுக்குப் பதிலளித்த மோகன் பகவத், காவி கொடி அமைப்புக்குள் ஒரு குருவாகக் கருதப்பட்டாலும், இந்திய மூவண்ணக் கொடிக்கு அதிக மரியாதை அளிக்கிறது” என்று கூறினார்.“தேசியக் கொடி முதலில் 1933-ல் பாரம்பரிய ‘பகவா’ (காவி) என்று முடிவு செய்யப்பட்டது, ஆனால் மகாத்மா காந்தி சில காரணங்களுக்காகத் தலையிட்டு, அதன் உச்சியில் ‘பகவா’ இருக்க வேண்டும் என்று மூன்று வண்ணங்களைப் பரிந்துரைத்தார். சங்கம் எப்போதும் மூவண்ணக் கொடியை (திரங்காவை) மதித்து வருகிறது” என்று அவர் கூறினார்.