ஒரு சீன் ஃபுல்லா வசனமே இல்ல, சைகை தான்; என்ன மனுஷன்யா… பிரபல நடிகரை புகழ்ந்த ராதாரவி!

ஒரு சீன் ஃபுல்லா வசனமே இல்ல, சைகை தான்; என்ன மனுஷன்யா… பிரபல நடிகரை புகழ்ந்த ராதாரவி!

சினிமா உலகில் அனுபவம் வாய்ந்த நடிகரும், தன் துணிச்சலான கருத்துக்களுக்காக அறியப்பட்டவருமான ராதாரவி, சமீபத்தில் ஒரு வீடியோவில் நடிகர் கமல்ஹாசன் குறித்து மனம் திறந்து பேசியுள்ளது ரசிகர்களை ஆச்சரியத்தில் ஆழ்த்தியுள்ளது. மணிரத்னம் இயக்கத்தில் வெளியான, இந்திய சினிமாவின் மைல்கல் திரைப்படமான ‘நாயகன்’ குறித்து அவர் வெளிப்படுத்திய அபிப்பிராயம், ஃபிலிம் ஃப்ரீக்வன்சி ஃபேஸ்புக் பக்கத்தில் வெளியாகியுள்ளது.”அந்த மனுஷன் என்ன சார் நடிகன்!” என்று கமல்ஹாசனை வியந்து போற்றியுள்ளார் ராதாரவி. ‘நாயகன்’ திரைப்படத்தை எத்தனையோ முறை பார்த்திருந்தாலும், இப்போது பார்த்த போதும் தான் அழுதுவிட்டதாக அவர் உருக்கமாகக் கூறியுள்ளார். இந்தப் படம் மார்லன் பிராண்டோவின் சாயலில் அமைந்திருந்தாலும், கமல்ஹாசனின் நடிப்பு அதைத் தனித்துவமான உயரத்திற்குக் கொண்டு சென்றிருப்பதை ராதாரவி குறிப்பிட்டுள்ளார். படத்தின் ஒவ்வொரு காலகட்டத்திலும் கமல்ஹாசன் வெளிப்படுத்திய நடிப்புத் திறனை ராதாரவி சிலாகித்துள்ளார். சின்ன வயது வேலு நாயக்கர் தொடங்கி, மீசை, கண்ணாடி எனத் தோற்ற மாறுதல்களுடன் கூடிய முதிர்ந்த வேலு நாயக்கர் வரை, நடிப்பில் அவர் காட்டிய நுணுக்கத்தைப் பாராட்டுகிறார். குறிப்பாக, “அந்த வயசுக்கு அந்த நடை ஒத்துப்போச்சு” என்று கதாபாத்திரத்திற்காக கமல்ஹாசன் மேற்கொண்ட மாற்றங்களை வியந்துள்ளார்.ராதாரவியின் பேச்சில் உச்சக்கட்டமாகப் பாராட்டப்பட்டது, வசனமே இல்லாத ஒரு உணர்ச்சிகரமான காட்சி. போலீஸ் கமிஷனரைத் திருமணம் செய்துகொண்ட தன் மகளைப் பார்க்க வேலு நாயக்கர் ரகசியமாகச் செல்லும் காட்சியில், கமல்ஹாசன் சைகைகள் மூலமாகவே மொத்த உணர்ச்சிகளையும் கடத்திவிடுவார். “ஒரு சீன் பூரா டயலாக் பேசாம நடிக்கிறான் சார். சைகை தான் சார் எல்லாமே” என்று அந்தக் காட்சியில் கமல்ஹாசன் வெளிப்படுத்திய மௌனமான நடிப்பைப் புகழ்ந்து தள்ளியுள்ளார். இறுதியாக, “என்னால ரிப்பீட் பண்ணவே முடியாது சார்” என்று தன்னுடைய இயலாமையை ஒப்புக்கொண்டதன் மூலம், கமல்ஹாசனின் நடிப்பு ஒரு சவாலான, மீண்டும் நிகழ்த்த முடியாத கலைப் படைப்பு என்பதை ராதாரவி அழுத்தமாகக் கூறியுள்ளார்.  படத்தின் உச்சக்கட்ட காட்சிகளில் ஒன்றான, மகள் மற்றும் மருமகன் (நாசர்) முன்னிலையில் இருக்கும்போது, தலைவன் வேலு நாயக்கர் உள்ளே வரும் காட்சியை ராதாரவி சிறப்பாக நினைவுகூர்கிறார். அந்தச் சமயத்தில், ஒரு நீண்ட டயலாக் கூடப் பேசாமல், கமல்ஹாசன் முழுக்க முழுக்க சைகைகளாலேயே மகளின் மீது தான் வைத்திருந்த பாசத்தையும், பெருமிதத்தையும் வெளிப்படுத்துவார். அந்த உணர்ச்சிகரமான நடிப்பை தன்னால் மீண்டும் விவரிக்கக் கூட முடியாது என்று ராதாரவி திகைப்புடன் கூறுகிறார்.